سەناتورلار 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋى تۋرالى 2014 جىلعى 23 جەلتوقساندا قول قويىلعان شارتتىڭ جەكەلەگەن ەرەجەلەرىن قولدانۋ تۋرالى حاتتامانى راتيفيكاتسيالادى.
قۇجاتتىڭ نەگىزگى ماقساتى ەاەو مەملەكەتتەرىنىڭ باجداردى بولۋدەگى بىردەي ءتاسىلىن قامتاماسىز ەتۋ جانە مۇشە ەلدەر ءۇشىن كەدەندىك اكەلۋ باجدارىنىڭ سومالارىن ءبولۋ نورماتيۆتەرىن قايتا قاراۋ بولىپ تابىلادى. حاتتامانى راتيفيكاتسيالاۋ بىردەي ءتاسىلدى جانە ەاەو مەملەكەتتەرىنىڭ بيۋدجەتتەرىنە باجداردى تۇراقتى ءبولۋ مەن ەسەپكە جاتقىزۋدى قامتاماسىز ەتۋگە مۇمكىندىك بەرەدى.
ەۋرازيالىق ەكونوميكالىق وداققا مۇشە مەملەكەتتەردىڭ ونەركاسىپتىك تاۋارلارعا قاتىستى وزىندىك ەرەكشەلىكتى سۋبسيديالاردى ەۋرازيالىق ەكونوميكالىق كوميسسياعا ەرىكتى كەلىسۋ جانە ەاەو-عا مۇشە مەملەكەتتەردىڭ وزىندىك ەرەكشەلىكتى سۋبسيديالاردى بەرۋىنە بايلانىستى تالقىلاۋلاردى ەاەك جۇرگىزۋ ءتارتىبى تۋرالى كەلىسىم راتيفيكاتسيالاندى.
2017 جىلعى 26 مامىردا قازان قالاسىندا قول قويىلعان كەلىسىم ەۋرازيالىق ەكونوميكالىق وداققا مۇشە مەملەكەتتەردىڭ ەكونوميكاسىن تۇراقتى ءارى ءتيىمدى دامىتۋ ءۇشىن جاعدايدى قامتاماسىز ەتۋگە, ەۋرازيالىق ەكونوميكالىق وداققا مۇشە مەملەكەتتەردىڭ اراسىندا ءوزارا ساۋدا جانە ادال باسەكەنى دامىتۋعا جاردەمدەسۋگە ارنالعان.
قۇجات ەۋرازيالىق ەكونوميكالىق وداققا مۇشە مەملەكەتتەردىڭ جانە ەۋرازيالىق ەكونوميكالىق كوميسسيا اراسىنداعى ونەركاسىپ تاۋارلارىنا قاتىستى ەرەكشەلىگى بار سۋبسيديالاردىڭ بەرىلۋىنە بايلانىستى قۇقىقتىق تەتىكتەردىڭ ءوزارا ءىس-قيمىلىن رەتتەيدى. ەۋرازيالىق ەكونوميكالىق كوميسسيانىڭ وزىندىك ەرەكشەلىگى بار سۋبسيديالاردى مۇشە مەملەكەتتەرگە بەرىلۋىنىڭ ەرىكتى كەلىسۋ ءتارتىبى, سونداي-اق كوميسسيانىڭ وزىندىك ەرەكشەلىكتى سۋبسيديالاردىڭ مۇشە مەملەكەتتەرگە بەرىلۋىنە بايلانىستى تالقىلاۋلاردى جۇرگىزۋ ءتارتىبى رەتتەلدى.
كەلىسىم كوميسسيانىڭ قابىلدانعان شارتتارعا بايلانىستى ەرەكشەلىگى بار سۋبسيديالارعا قول جەتكىزۋ نەمەسە قول جەتكىزۋگە بولمايتىنى تۋرالى شەشىمدەردى قابىلداۋ ءتارتىبىن بەكىتەدى. قول جەتكىزۋ شارتتارى قازاقستان رەسپۋبليكاسىنداعى قازىرگى سۋبسيديالاۋ تاجىريبەسىنە ساي كەلەدى. كوميسسيا باسقا مۇشە مەملەكەتتەر بەرگەن ەرەكشەلىگى بار سۋبسيديالارعا قاتىستى, ەگەردە ۇلتتىق ەكونوميكا سالاسىنا زيانى تۋرالى دالەل بولعان جاعدايدا تالقىلاۋ جۇرگىزۋگە حاقى بار.
تەڭiز كەمە قاتىناسى قاۋiپسiزدiگiنە قارسى باعىتتالعان زاڭسىز iس-ارەكەتتەرمەن كۇرەس تۋرالى كونۆەنتسياعا 2005 جىلعى حاتتاما راتيفيكاتسيالاندى.
تەڭiز كەمە قاتىناسىنىڭ قاۋiپسiزدiگiنە قارسى زاڭسىز iس-ارەكەتتەرمەن كۇرەس تۋرالى 1988 جىلعى نەگىزگى كونۆەنتسيانى قازاقستان 2003 جىلى راتيفيتسيالاعان بولاتىن.
2005 جىلى قازاندا لوندوندا حالىقارالىق تەڭىز ۇيىمىنىڭ زاڭسىز ءىس-ارەكەتتەرمەن كۇرەس تۋرالى شارتتاردى قايتا قاراۋ جونىندەگى كونفەرەنتسياسىندا تەڭىز كەمە قاتىناسىنىڭ قاۋىپسىزدىگىنە قارسى زاڭسىز ءىس-ارەكەتتەرمەن كۇرەس تۋرالى كونۆەنتسياعا حاتتاماعا قول قويىلدى.
حاتتاما تەڭىز كەمەلەرىنە تەررورلىق شابۋىلداردىڭ جيىلەۋىنە بايلانىستى حالىقارالىق تەررورلىق اكتىلەردىڭ الدىن الۋ جانە بولدىرماۋ ءۇشىن حالىقارالىق قوعامداستىقتىڭ كۇش-جىگەرىن كۇشەيتۋگە شاقىرادى.
قۇجات كونۆەنتسياعا حالىقارالىق تەڭىزدەگى كەمە قاتىناسىندا حالىقارالىق تەررور اكتىلەرىن بولدىرماۋعا جانە ودان قورعالۋىنا قاتىستى, سونداي-اق كونۆەنتسيانىڭ تيىمدىلىگىن ارتتىرۋعا باعىتتالعان وزگەرىستەر مەن تولىقتىرۋلاردى ەنگىزۋدى كوزدەيدى.
ودان باسقا قۇجاتتا لاۋازىمدى جانە زاڭدى تۇلعالاردىڭ قىلمىستىق, اكىمشىلىك, ازاماتتىق-قۇقىقتىق جاۋاپكەرشىلىگى, سونداي-اق قاتىسۋشىلاردىڭ اقپاراتتى بەرۋ سالاسىنداعى تىعىز ىنتىماقتاستىعىن رەتتەۋ تۋرالى ەرەجەلەر بار.
وتىرىس بارىسىندا سەناتورلاردىڭ دەپۋتاتتىق ساۋالدارى جاريا ەتىلدى. سەناتور داريعا نازارباەۆا – ەلىمىزدىڭ بانك سەكتورىنىڭ مەملەكەت تاراپىنان قولداۋ باعدارلاماسىن ىسكە اسىرۋعا قاتىستى; مۇرات باقتيار ۇلى – قازاق ءتىلىن لاتىن الىپبيىندە وقىتۋ جانە ونى ناسيحاتتاۋ تۋرالى; ماناپ كوبەنوۆ – اۋىل شارۋاشىلىعى وندىرىسىندەگى كووپەراتيۆتەرى; اڭسار مۇساحانوۆ – ءزىلزالا ماسەلەلەرى تۋرالى; عۇمار دۇيسەمباەۆ – «ورال «زەنيت» زاۋىتى» اق-نا مەملەكەتتىك تاپسىرىس بەرۋ تۋرالى; سارسەنباي ەڭسەگەنوۆ – مەملەكەتتىك-جەكەشەلىك ارىپتەستىك جوبالارىن ىسكە اسىرۋ جانە كومپوزيتور قۇرمانعازىنىڭ 200 جىلدىعىن مەرەكەلەۋ تۋرالى; ەرىك سۇلتانوۆ –پەتروپاۆل قالاسىنىڭ تۇرعىن ءۇي-كوممۋنالدىق شارۋاشىلىعى تۋرالى; نۇرجان نۇرسيپاتوۆ – ەلىمىزدىڭ قارۋلى كۇشتەرىن, باسقا دا اسكەرلەر مەن اسكەري قۇرىلىمداردى قارجىلاندىرۋ قاجەتتىگى; بەكمىرزا ەلامانوۆ – قىزىلوردا وبلىسىنداعى اۆتوموبيل جولدارىن جوندەۋدى, مەكتەپتەر مەن ينفراقۇرىلىمدار قۇرىلىسىن قارجىلاندىرۋ تۋرالى; ناريمان تورەعاليەۆ – «مەملەكەتتىك ساتىپ الۋلار تۋرالى» زاڭ اياسىندا تەندەرگە قاتىساتىن وتاندىق كاسىپورىنداردى قولداۋ تۋرالى ساۋال جولدادى.
