مەن 1980 جىلعى 10 تامىزدا سولتۇستىك قازاقستان وبلىسىنىڭ پەتروپاۆل قالاسىندا دۇنيەگە كەلدىم. حالىققا قىزمەت كورسەتۋ, قۇقىقتىق ءتارتىپتى ساقتاۋ قاسيەتتەرى ماعان اكەمنەن دارىدى. اكەم الەكساندر پەتروۆيچ كليموۆ 30 جىلدان اسا ىشكى ىستەر ورگاندارىندا ۋچاسكەلىك پوليتسيا ينسپەكتورى قىزمەتىن اتقاردى. پوليتسيا پودپولكوۆنيگى شەنىندە زەينەتكە شىقتى. اكەمنىڭ ءىسىن جالعاستىرۋ ماقساتىندا ءىنىم ەكەۋىمىز ىشكى ىستەر ورگاندارىندا قىزمەت ەتىپ ءجۇرمىز. اتا-انامنان العان ءتالىم-تاربيە ومىرلىك ۇستانىمىم بولدى.
1997 جىلى مەكتەپتى اياقتاعاننان كەيىن قازاقستان ءىىم-ءنىڭ سەمەي زاڭ كوللەدجىنە «قۇقىق قورعاۋ قىزمەتى» ماماندىعى بويىنشا وقۋعا ءتۇسىپ, ۇزدىك اياقتاپ شىقتىم. 1999 جىلى وقۋدى بىتىرگەننەن كەيىن ەڭبەك جولىمدى سقو ىشكى ىستەر دەپارتامەنتىنىڭ كريمينالدىق پوليتسيا باسقارماسىندا جەدەل ۋاكىل لاۋازىمىنان باستادىم. بۇگىنگى تاڭدا باسقارما باستىعى لاۋازىمىندا قىزمەت اتقارامىن.
كەي كەزدەرى قىلمىستى بىردەن اشۋ مۇمكىن ەمەس. تاپجىلماي ەڭبەك ەتسەڭ عانا ناتيجەگە قول جەتكىزەسىڭ. قىلمىستى اشقان كەزدە بورىشتىڭ وتەلگەنىن سەزىنۋ جانە ادىلدىك ورناۋى ساعان ودان ءارى قىزمەت ەتۋگە سەرپىلىس بەرەدى, ءىسىڭنىڭ ناتيجەسى كوڭىلىڭنەن شىعىپ, راحات سەزىمىندە بولاسىڭ.
ءىز كەسۋشىنىڭ مىندەتى – ۋاقىتپەن ساناسپاي بەرىلە ەڭبەك ەتۋ. كەي كەزدەرى ونىڭ ناتيجەسى كوزگە كورىنبەيدى, بىراق بۇل ەڭ باستىسى ەمەس. ءبىز ادامدارعا زاڭنىڭ ۇستەمدىك ەتۋىنە جانە ادىلدىككە سەنۋلەرىنە كومەكتەسەمىز. بۇل ەڭبەگىمىزدىڭ باستى باعاسى! وسىنداي دارەجەگە جەتكىزگەن قازاق ەلىمە, ىشكى ىستەر مينيسترلىگىنە, ىشكى ىستەر دەپارتامەنتىنە, تالىمگەرلەرىمە, ۇجىمىما, قىزمەت ەتۋگە جان-جاقتى جاعداي جاساپ جاتقان ەلباسىنا العىسىم شەكسىز! قازاقستاننىڭ ىشكى ىستەر ورگاندارى جۇيەسىندە قىزمەت ەتۋدى – تاعدىردىڭ سىيى دەپ بىلەمىن.
پەتر كليموۆ,
پوليتسيا پولكوۆنيگى, ءىىد كريمينالدىق پوليتسيا باسقارماسىنىڭ باستىعى
سولتۇستىك قازاقستان وبلىسى
