«اۆتوۋراگاندى» ىسكە قوسىسىمەن 2477 قۇقىق بۇزۋشىلىق انىقتالدى. ولاردىڭ اراسىندا 1092 قۇقىق بۇزۋشىلىقتى رەسەي فەدەراتسياسىنىڭ مەملەكەتتىك تىركەۋ نومەرىمەن جۇرگەن جۇرگىزۋشىلەر جاساعان. ولاردىڭ ەشقايسىسى قوستاناي پوليتسياسىندا تىركەلمەگەن. رەسەي فەدەراتسياسىنىڭ مەملەكەتتىك تىركەۋ نومىرىمەن جۇرگەندەردىڭ بارلىعى «اۆتوۋراگان» اقپاراتتىق-باعدارلامالىق كەشەنىنە جازىلىپ الىندى. بۇل اۆتوموبيلدەردى جەدەل ۇستاۋعا كومەكتەسەدى. ماشينالار ارنايى ورىنعا قويىلدى. وسى جۇمىستىڭ ناتيجەسىندە 21 ماشينا ۇستالدى, 17 جۇرگىزۋشىگە اكىمشىلىك ءىس قوزعالدى.
«بۇل شارا جول ەرەجەسىنىڭ ساقتالۋىنا از دا بولسا ىقپالىن تيگىزدى. رەسەيدىڭ ءنومىرى ىلىنگەن ماشينا جۇرگىزۋشىلەرىنە ايىپپۇلدى دەپارتامەنتتىڭ بولىمىندەگى ارنايى ورتالىق انىقتايدى», دەيدى پوليتسيا پولكوۆنيگى اسقار ناراتاۋوۆ. سونىمەن رف نومىرىمەن تىركەلگەن كولىكتەردىڭ 41 جۇرگىزۋشىسى 245 533 تەڭگە ايىپپۇل تولەدى.
ءنازيرا جارىمبەت,
«ەگەمەن قازاقستان»
قوستاناي
