شاراعا قاتىسقان «Digital Network» ستكا پرەزيدەنتى ولجاس مۋرتازين بلوكچەين تەحنولوگياسى كاسىپورىن شىعىنىن 50-دەن 80 پايىزعا دەيىن ۇنەمدەۋگە مۇمكىندىك بەرەتىنىن اتاپ ءوتتى.
«Digital Network» قاۋىمداستىعى جەتەكشى ۇيىمداردى بىرىكتىرە وتىرىپ كۇندەلىكتى ومىرگە تسيفرلى تەحنولوگيالاردى ەنگىزۋ ارقىلى وڭ ناتيجەگە جەتۋدى كوزدەيدى. 2018 جىلى ءبىز العاشقى وتاندىق كريپتوبيرجانىڭ, تۇڭعىش زاڭدى كريپتوايىرباستاۋ ورتالىعىنىڭ اشىلۋىن جوسپارلاپ وتىرمىز. سونىمەن قاتار ۇلتتىق كومپانيالار تاراپىنان بلوكچەين تەحنولوگياسىن ەنگىزۋدە سەرىكتەستىك كۇتىلۋدە. ال ءبىلىم سالاسىندا «اتامەكەن» ۇكپ-مەن بىرلەسە وتىرىپ, كريپتويندۋسترياعا قاتىستى كاسىپكەرلەرگە ءبىلىم بەرۋدى كۇشەيتپەكپىز. كريپتوايىرباستاۋ ورتالىعى مەن بيرجا ماسەلەلەرى بويىنشا ۇلتتىق بانك توراعاسى د.اقىشەۆپەن كەزدەسۋ جوسپارلانعان. ناقتى جوسپارلار ءتىزىمى بەكىتىلگەن. كريپتويندۋسترياداعى سالىق ماسەلەسى بويىنشا قارجى ءمينيسترى ب.سۇلتانوۆپەن, بيزنەستە ءىسو وتكىزۋ ماسەلەلەرى بويىنشا «اتامەكەن» ۇكپ باسقارما توراعاسى ت.ق ۇلىباەۆپەن كەزدەسۋلەر جوسپارلانعان. سونداي-اق سالاداعى الاياقتىق قۇرىلىمداردى, «پيراميدالاردى» انىقتاۋعا ۇلەس كوسىپ, مەملەكەتتىك ورگاندارمەن بىرلەسە وتىرىپ زاڭنامالىق بازانى دايىنداۋعا اتسالىسۋ قاراستىرىلعان», دەدى ول.
سونىمەن قاتار قازاقستان ەكونوميكاسىندا جاڭا قىزمەتتەردىڭ پايدا بولۋى الەمدىك قاۋىمداستىق ءۇشىن دە جەتىستىك بولاتىنىن بايانداپ, بۇگىنگى تاڭدا بلوكچەين تەحنولوگياسىن جاساۋداعى ۇزدىك گەرمانيالىق كومپانياسىنىڭ ستراتەگيالىق سەرىكتەسى Blockchain Consulting Group بىرلەسىپ جۇمىس ىستەپ جاتقانىن جەتكىزدى.
«قازىرگى تاڭدا بۇل كومپانيالار ۇلتتىق كومپانيالارعا, ينۆەستيتسيالار جانە دامۋ مينيسترلىگىنە, «سامۇرىق – قازىنا» اق, «بايتەرەك», «سبەربانك», تاعى سول سياقتى ءىرى مەكەمەلەرگە تسيفرلى, وندىرىستىك, قارجىلىق پروتسەستەرگە بلوكچەين تەحنولوگياسىن ەنگىزۋ بويىنشا ءوز قىزمەتتەرىن ۇسىنىپ وتىر. ءوز كەزەگىندە بلوكچەين تەحنولوگياسى كاسىپورىن شىعىنىن 50-دەن 80 پايىزعا دەيىن ۇنەمدەۋگە مۇمكىندىك بەرەدى. ال Crowdsale Network ادام ومىرىنە ساپالى اسەر ەتە الاتىن, الەۋمەتتىك ماڭىزدى جوبالاردى ۇنەمى قولداپ, ىسكە اسۋىنا اتسالىسىپ وتىرادى», دەدى «Digital Network» ستكا پرەزيدەنتى ولجاس مۋرتازين.
راۋان قايدار,
«ەگەمەن قازاقستان»
