بيىل مامانداردىڭ ايتۋىنشا قار بىلتىرعىعا قاراعاندا ەكى-ءۇش ەسەدەي كەم. «قازگيدرومەت» وبلىستىق فيليالىنىڭ ديرەكتورى لاريسا كۋزمينانىڭ مالىمەتىنشە, وبلىستا قىستاي جاۋعان قارداعى سۋ قورى بىلتىرعىنىڭ 40 پايىزىن عانا قۇرايدى ەكەن. ال سۋ قويمالارىنداعى سۋ ونىڭ 68 پايىزىن تولتىرىپ تۇر, 449 ملن تەكشە مەتر سۋ سياتىن ورىن بار.
بيىل قار بىلتىرعىعا قاراعاندا 2 ەسەدەي از جاۋعان. قاردىڭ قالىڭدىعى ەڭ كوپ جاۋعان اۋدانداردا 22 سم-گە جەتەدى. ال وتكەن جىلى 32 سم-دەن اسىپ كەتكەن ەدى. الايدا, سۋ تاسقىنى ىلعي قاردىڭ كوپتىگىنەن بولا بەرمەيدى. سۋ وتكىزگىشتەردىڭ بىتەلىپ, قارالماعانىنان كەپتەلگەن سۋ ويداعى اۋىلداردى تاباتىن. وبلىستاعى توتەنشە جاعداي جونىندەگى دەپارتامەنت باستىعى تالعات كاكىموۆ دامبالار مەن بوگەتتەردىڭ جاعدايى قاراۋدى قاجەتسىنەتىنىن, وڭىردەگى 103 گيدروتەحنيكالىق قۇرىلىستىڭ 24-ءنىڭ جاعدايى ناشارلىعىن مالىمدەدى. ولاردىڭ جوندەلگەنى تۋرالى ارنايى كوميسسيا ناۋرىز ايىندا تەكسەرەتىن بولادى.
ءنازيرا جارىمبەت
«ەگەمەن قازاقستان»
قوستاناي
