وبلىس اكىمىنىڭ اۋىل شارۋاشىلىق جونىندەگى ورىنباسارى لاۋازىمىنا ۇسىنىلعان داۋرەن ماحاجانوۆتىڭ كانديداتۋراسى پرەزيدەنت اكىمشىلىگىمەن كەلىسىلگەنى ايتىلدى. بۇل لاۋازىمدا وسىعان دەيىن قىزمەت اتقارعان باۋىرجان قاسەنوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.
داۋرەن ماحاجانوۆ 1980 جىلى تۋعان, ەكى جوعارى ءبىلىمى بار. 2001 جىلى سولتۇستىك قازاقستان مەملەكەتتىك ۋنيۆەرسيتەتىن ەكونوميست-مەنەدجەر ماماندىعى بويىنشا, 2007 جىلى كوكشەتاۋ ۋنيۆەرسيتەتىن «قارجى ماگيسترى» ماماندىعى بويىنشا اياقتادى. ەكونوميكا عىلىمدارىنىڭ كانديداتى.
ەڭبەك جولىن 1999 جىلى سولتۇستىك قازاقستان وبلىسى قىزىلجار اۋدانى اكىمى اپپاراتىنىڭ باس مامانى بولىپ باستادى. 2001 جىلدان باستاپ 2009 جىلعا دەيىن ەكىنشى دەڭگەيلى بانكتەر «كازكوممەرتسبانك» اق, «اتفبانك» اق, «اليانس بانك» اق باسشىلىق لاۋازىمدارىندا قىزمەت ەتتى.2009-2015 جىلدارى «قازاقستاننىڭ يپوتەكالىق كرەديتتەرگە كەپىلدىك بەرۋ قورى» اق, «كازاگروفينانس» اق, «كازاگرو» ۇلتتىق باسقارۋشى حولدينگى» اق باسقارمالارىنىڭ توراعا ورىنباسارى, «اگرارلىق كرەديتتىك كورپوراتسياسى» اق باسقارما توراعاسى لاۋازىمدارىندا قىزمەت اتقاردى.
قازىرگى ۋاقىتقا دەيىن «اگروفۋد بەرەكە» جشس ديرەكتورىنىڭ ورىنباسارى لاۋازىمىندا قىزمەت ەتتى.
فاريدا بىقاي
«ەگەمەن قازاقستان»
پاۆلودار
سۋرەتتى تۇسىرگەن ۆالەريي بۋگاەۆ
