اۋداندا العاش رەت ۇيىمداستىرىلعان شاراعا مۇنايلى اۋداندىق اكىمدىگى مەن مۇنايلى اۋداندىق جاستار رەسۋرستىق ورتالىعى قولداۋ كورسەتسە, «وركەن» اۋلا كلۋبى, «سRISTALS BRIDAL» قالىڭدىق سالونى, ء«داستۇر» مەيرامحاناسى, قۇس فەرماسى, «ماڭعىستاۋ اعايىن جارناما» جارنامالىق-وندىرىستىك كومپانياسى, «PROMAX» فوتوستۋدياسى دەمەۋشىلىك تانىتتى.
مەرەكەلىك شارانىڭ باستى قوناقتارى رەتىندە ماڭعىستاۋ اۋىلىنان – 43, باسقۇدىق اۋىلىنان – 21, وبلىستىق مۇمكىندىگى شەكتەۋلى بالالارعا ارنالعان مەكتەپ-ينتەرناتىنان – 16, بارلىعى 90 بالا شاقىرىلدى.
قايىرىمدىلىق بالىنا تۇسكەن 462352 تەڭگە كولەمىندەگى قارجىعا ءاربىر بالاعا «اققۋ جۇنىنەن جاسالعان كورپە» سىيعا بەرىلدى, سونداي-اق كەلگەن بۇلدىرشىندەرگە ء«داستۇر» مەيرامحاناسى اق داستارحان جايدى.
شارادا مۇمكىندىگى شەكتەۋلى بالالاردىڭ ارمانىن ورىنداۋعا تالاپ جاسالدى. مىسالى, ءوز اياعىمەن جۇرە المايتىن اريستانوۆ دىنمۇحاممەدتىڭ بولاشاقتا فۋتبوليست بولعىسى كەلەتىندىگى جونىندە بەينەۇزىك كورسەتىلىپ, وعان «قايرات» فۋتبول كومانداسىنىڭ بەلدى ويىنشىسى وزىمەن اتتاس دىنمۇحاممەد سۇلەيمەنوۆ اعاسىنان بەينەسالەمدەمە مەن فۋتبولشىلار كيىمى, دوبى توسىن سىي رەتىندە تابىستالدى. ال, وبلىستىق مۇمكىندىگى شەكتەۋلى بالالار مەكتەپ ينتەرناتىنىڭ وقۋشىسى, بولاشاقتا مۇناي سالاسىنىڭ قىزمەتكەرى بولۋدى ارماندايتىن امانوۆ ايبەكتىڭ بالا ارمانى ورىندالسىن دەگەن نيەتپەن «ماڭعىستاۋ تۇبەگى جانە ونداعى قازبا بايلىقتار» جايلى كىتاپ سىيعا بەرىلىپ, ودان ارى وسى وقۋشىنىڭ ورىنداۋىندا ىم-يشارامەن «ۆالس» ءانى شىرقالدى.
قازاقستاندا تۇراتىن ءاربىر بالا قازاقتىڭ سالت-ءداستۇرى, مادەنيەتى, قالا بەردى ونەرىمەن سۋسىنداپ ءوسۋى ءتيىس. وسى ورايدا وبلىستىق مۇمكىندىگى شەكتەۋلى بالالار مەكتەپ-ينتەرناتىنىڭ بۇلدىرشىندەرى «جايلاۋ», «قىزعالداق» بيلەرىن كورەرمەن نازارىنا ۇسىندى.
№5 ورتا مەكتەپتىڭ 8-سىنىپ وقۋشىسى الجان ميراس بولاشاقتا قۇس فەرماسىن اشۋدى ارماندايتىندىعىن بەينەروليك ارقىلى جەتكىزگەن بولاتىن. ميراستىڭ وسى ارمانىن ورىنداعىسى كەلگەن جەكە كاسىپكەر اعاسى ەسەن بورانباي ۇلى وعان ەكى ەكزوتيكالىق قۇستى سىيعا تارتىپ, بولاشاق كاسىبىنىڭ نەگىزىن قالاپ بەرگەندەي بولدى.
اتالعان شارا بۇدان ءارى تۋىلعانىنان جارىق الەمدى كورە الماي جۇرگەن كىشكەنتاي يساەۆا ادەمىنىڭ بولاشاقتا ۇلكەن ساحنادا ونەر كورسەتىپ, ءانشى بولعىسى كەلەتىندىگى جانە ەلىمىزگە تانىمال ء«سات» تريوسىنداعى ءانشى اعالارىمەن سۋرەتكە ءتۇسۋدى قالايتىندىعى جونىندەگى بەينەۇزىكپەن جالعاسىن تاپتى. بالا ارمانى سول ساحنادا شىنايى ورىندالدى دەسەك تە بولادى. ياعني, ادەمىنىڭ ورىنداۋىندا «اكە-انا» ءانى تىڭدالدى جانە ء«سات» تريوسىنداعى ساپار اعاسى وسى قايىرىمدىلىق بالىنا ارنايى قوناق رەتىندە شاقىرىلىپ, بالاقايمەن ەستەلىك سۋرەتكە ءتۇستى, سونىمەن قاتار, ونەرپاز اعاسى كەلگەن بالالارعا اق تىلەگىن ءبىلدىرىپ, اننەن شاشۋ شاشتى.
مۇنايلى اۋداندىق مۇمكىندىگى شەكتەۋلى بالالارمەن جۇمىس بولىمشەسى مەن وبلىستىق مەكتەپ-ينتەرناتىنىڭ پەداگوگتارى وقۋشىلار جاساعان قولونەر بۇيىمدارىنان كورمە جاسادى, سونىڭ ىشىندەگى 5 ۇزدىك بۇيىم اۋكتسيونعا سالىنىپ, ودان تۇسكەن قارجى كوپشىلىك الدىندا قولونەر يەلەرىنە تابىستالدى. اۋكتسيونعا سالىنعان قولونەر بۇيىمىنىڭ ەڭ جوعارى باعاسى 7000 تەڭگەنى قۇرادى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
