قازىرگى تاڭدا سپورتشىلاردىڭ باسىم بولىگى ADCC ۇيىمىنىڭ ەرەجەلەرى بويىنشا بەلدەسۋ وتكىزۋدەن سەسكەنەدى. سەبەبى بۇل ءبىرشاما قاۋىپتى سپورت ءتۇرى سانالادى جانە ەرەجەلەرى دە تەك كاسىبي سپورتشىلار ءۇشىن قولايلى. سوندىقتان بولار, ازىرشە قازاقستاندا ADCC بۇكىلالەمدىك ۇيىمىنىڭ قولداۋىمەن, بۇكىلالەمدىك AIGا اۋەسقوي گرەپپلينگ فەدەراتسياسى دۇنيەگە كەلدى. ونىڭ ADCC-دەن ءبىر ەرەكشەلىگى, ۇپايلار جەكپە-جەكتىڭ باسىنان باستاپ ەسەپتەلەدى. ال ADCC ەرەجەلەرى بويىنشا ۇپاي تەك بەلدەسۋدىڭ ەكىنشى جارتىسىندا عانا ەسەپكە الىنادى.
تورەشىلەردىڭ وسى ەرەكشەلىكتىڭ ارقاسىندا بەلدەسۋدىڭ بەلسەندى باستالاتىنىن ايتادى. «العاشقى تۋرنير ەلورداداعى «الاتاۋ» سپورت كەشەنىندە وتە جوعارى دەڭگەيدە ءوتتى. جاڭا ەرەجەلەردىڭ ارقاسىندا جەكپە-جەكتەر وتە قىزىقتى ءارى تارتىستى بولادى. بەلدەسۋدىڭ العاشقى مينۋتىنان-اق سىلبىر كۇرەس پەن باسقا ەرەجە بۇزۋشىلىق ءۇشىن ۇپايلار جەكە ەسەپتەلىپ وتىرادى. بۇل ەرەجەلەر سپورتشىلاردىڭ بەلسەندىلىگىن ارتتىردى. ال قاتىسۋشىلار ءوز كەزەگىندە, كەرەمەت ونەر كورسەتىپ, جەڭىسكە دەگەن ىنتالارىن كۇشەيتەدى. بۇل جەكپە-جەك ءتۇرىن ءارى قاراي دامىتامىز دەگەن ۇمىتتەمىن», دەيدى تورەشى ولجاس دوسجانوۆ.
قازىرگى تاڭدا ىرىكتەۋ جارىستارى ەلىمىزدىڭ بارلىق ايماقتارى مەن قالالارىندا ءوتىپ جاتىر. سونىمەن قاتار اۋەسقويلار اراسىندا گرەپپلينگتەن قازاقستان چەمپيوناتىن قاراعاندىدا وتكىزۋ جوسپارلانۋدا. AIGا اۋەسقوي گرەپپلينگ فەدەراتسياسىنىڭ اياسىندا وسى سپورت تۇرىنەن ءبىرىنشى تۋرنير استانادا وتكەن.
ايناش ەسالي,
«ەگەمەن قازاقستان»
الماتى
