جاڭا سمارتفونداردىڭ ەرەكشەلىگى – ارتقى پانەلدەگى ەلەمەنتتەردىڭ تىگىنەن ورنالاسۋى. ال ساۋساق ىزدەرىنىڭ سكانەرى كامەرالار ءمودۋلىنىڭ استىندا ورنالاسقان, بۇل وبەكتيۆتىڭ لاستانۋ ماسەلەسىن وڭتايلى شەشۋگە كومەكتەسەدى.
S9 جانە S9 + تەلەفونىنىڭ ديسپلەيى 5,8 جانە 6,2 ديۋيمدى قۇرايدى, ال ماكسيمالدى رۇقسات - Quad HD + (1440 ح 2880 پيكسەل). جەدەل جادتىڭ كولەمى 4-تەن 6 گيگابايتقا دەيىن جەتەدى. ەكى سمارتفوننىڭ دا كىرىكتىرىلگەن جادى 64 گيگابايتتى قۇرايدى.
جاڭا سمارتفوندار ءۇش ءتۇرلى بيومەتريالىق اۋتەنتيفيكاتسيانى قولدايدى. ولاردا كوز, ساۋساق ىزدەرىن تانۋ ارقىلى جانە ادامنىڭ كەسكىن كەلبەتىن تانۋ فۋنكتسيالارى ىسكە قوسىلعان. سونىمەن بىرگە, Galaxy S9 ي S9+ سماتفوندارىندا Dedicated Fingerprint فۋنكتسياسى ارقىلى ساۋساق ىزدەرىنىڭ ءبىرى تەلەفوندى بۇعاتتاۋعا, ال ەكىنشىسى قورعالعان پاپكالاردى اشۋ ءۇشىن قولدانىلادى.
سمارتفونداردا العاش رەت SmartThings قوسىمشاسى ورناتىلدى, بۇل تۇرمىستىق تەحنيكانى جانە «اقىلدى ۇيگە» ارنالعان فۋنكتسيالاردى وزىنە قوسىپ الۋعا مۇمكىندىك بەرەدى.
جاڭا سمارتفونداردىڭ رەسمي ساتىلىمى 19 ناۋرىزدا باستالادى. Galaxy S9 تەلەفونىنىڭ رەسەيدەگى باعاسى 59,99 مىڭ رۋبل, Galaxy S9+ 66,99 مىڭ رۋبل بولادى.
اۋدارعان ءمادينا جالەلقىزى
«ەگەمەن قازاقستان»
