«ەۋرازيا» سپورت كەشەنىنىڭ الاڭىندا وتەتىن بىرىنشىلىككە ەلىمىزدىڭ بارلىق ءىرى بۇقارالىق اقپارات قۇرالدارى قاتىسادى.
«BAQ league» 2016 جىلى «استانا فۋتبول فەدەراتسياسى» زاڭدى تۇلعالار بىرلەستىگىنىڭ قولعا العان جوباسى. ءبىرىنشى ماۋسىم 2016 جىلدىڭ 10 جەلتوقسانىندا باستالىپ, 2017 جىلدىڭ 26 اقپانىنا دەيىن سوزىلعان. وعان 11 كوماندا قاتىستى. ءبىرىنشى ورىندى «حابار» السا, ەكىنشى ورىندى «قازاق راديوسى» جەڭىپ الىپ, ۇزدىك ۇشتىككە sportsffa.kz سايتىنىڭ كومانداسى ىلىككەن. ەكىنشى ماۋسىم 2017 جىلدىڭ مامىر ايىندا باستالىپ, 14 كوماندا ءار سەنبى جانە جەكسەنبى سايىن «تارلان-ارەنا» سپورت كەشەنىندە ءوزارا كەزدەسىپ, تامىز ايىنا دەيىن جالعاسقان بىرىنشىلىكتە «حابار» كومانداسى وزدەرىنىڭ چەمپيوندىق اتاقتارىن قورعاپ قالدى. ەكىنشى ورىندى «Elorda aqparat» اگەنتتىگى ەنشىلەسە, «استانا» تەلەارناسى ۇزدىك ۇشتىكتەن كورىنگەن. سونداي-اق, «حابارلىقتار» التىن دۋپلەت جاساپ, جۋرناليستەر كۋبوگىن دا جەڭىپ العان», دەدى BAQ league جوباسىنىڭ جەتەكشىسى ءازيز ءجۇمادىل.
ەندى BAQ league بىرىنشىلىگىنىڭ ءۇشىنشى ماۋسىمى 25 اقپاندا باستالىپ, 27 مامىرعا دەيىن جالعاسادى. ويىنداردىڭ بارلىعى «ەۋرازيا» سپورت كەشەنىندە وتەدى. ماۋسىم قورىتىندىسى بويىنشا ۇزدىك سەگىز كوماندا كەلەسى ماۋسىمدا جوعارعى ليگانى قۇراسا, تومەنگى ورىنداردان كورىنگەن كوماندالار ءبىرىنشى ليگادا باق سىنايدى.
سپيكەرلەردىڭ سوزىنشە جۋرناليستەر ليگاسىنىڭ ءۇشىنشى ماۋسىمىنا قاتىسۋعا 14 كوماندا ءوتىنىش بىلدىرگەن. ولاردىڭ اراسىندا «حابار» تەلەارناسى, «استانا» تەلەارناسى, «حابار 24» تەلەارناسى, «قازاق راديوسى», «سپورت» گازەتى, «ەگەمەن قازاقستان» گازەتى, «قازسپورت» تەلەارناسى, قر اكم تاو كومانداسى, «قازمەديا» ورتالىعى, «قازاقستان» ۇلتتىق ارناسى, qazaqinfo.kz سايتى, «ەۆرازيا» تەلەارناسى, «اسىل ارنا» تەلەارناسى, «قازاقستان ۇلتتىق ارناسىنىڭ اقپاراتتىق-ساراپتامالىق باعدارلامالار ديرەكتسياسى» بار.
ءباسپاسوز ءماسليحاتىنان كەيىن جەرەبە تارتۋ ءراسىمى ءوتىپ, جۋرناليستەر ليگاسىنىڭ ويىندار كەستەسى بەلگىلى بولادى.
راۋان قايدار,
«ەگەمەن قازاقستان»
