كەزدەسۋ بارىسىندا تسيفرلاندىرۋ, ينۆەستيتسيالار جانە ينفراقۇرىلىمدى دامىتۋ سالاسىنداعى بىرلەسكەن جوبالاردى جۇزەگە اسىرۋ جانە ىنتىماقتاستىقتى ودان ءارى دامىتۋ ماسەلەلەرى تالقىلاندى.
اتاپ ايتقاندا, وتىرىس قاتىسۋشىلارى احقو بيرجاسى الاڭىنداعى IPO-عا ۇلتتىق كومپانيالاردىڭ شىعارىلۋى مەن «استانا» حالىقارالىق قارجى ورتالىعىنىڭ جۇمىسىن ەسكەرە وتىرىپ ينۆەستورلارعا اشىلعان مۇمكىندىكتەردى قاراستىردى.
Deutsche Bank AG وكىلدەرى بىرقاتار جوبالارعا, سونىڭ ىشىندە «تسيفرلىق قازاقستان» مەملەكەتتىك باعدارلاماسىن ىسكە اسىرۋعا قاتىسۋعا مۇددەلى ەكەنىن ءبىلدىردى.
بۇدان وزگە, قازاقستان-گەرمان ىسكەرلىك كەڭەسى جۇمىسىنىڭ اياسىنداعى ءوزارا ءىس-قيمىلعا ەرەكشە نازار اۋدارىلدى.
انىقتاما: Deutsche Bank AG 1870 جىلى بەرليندە حالىقارالىق بيزنەستى كەڭەيتۋ, سونداي-اق گەرمانيانىڭ باسقا ەۋروپالىق ەلدەرمەن جانە سىرتقى نارىقتارمەن ساۋدا قارىم-قاتىناسىن دامىتۋ ماقساتىندا قۇرىلعان. Deutsche Bank AG وكىلدىگى قازاقستاندا 1993 جىلى اشىلدى.
