ۇكىمەت وتىرىسىندا 2018 جىلعى سۋ تاسقىنى كەزەڭىنە دايىندىق تۋرالى اقمولا وبلىسى اكىمى م. مىرزالين, قىزىلوردا وبلىسى اكىمى — ق. كوشەرباەۆ, سولتۇستىك قازاقستان وبلىسى اكىمى — ق. اقساقالوۆ, الماتى وبلىسى اكىمى — ا. باتالوۆ, شىعىس قازاقستان وبلىسى اكىمى — د. احمەتوۆ, قاراعاندى وبلىسى اكىمى — ە. قوشانوۆ, قوستاناي وبلىسى اكىمى — ا. مۇحامبەتوۆ, وڭتۇستىك قازاقستان وبلىسى اكىمى — ج. تۇيمەباەۆ باياندادى.
ماسەلەنى قاراۋ قورىتىندىسى بويىنشا قر پرەمەر-ءمينيسترى باقىتجان ساعىنتاەۆ پرەمەر-ءمينيستردىڭ ءبىرىنشى ورىنباسارى اسقار مامينگە جول كارتاسىن جالپى ۇيلەستىرۋدى جانە ىسكە اسىرۋدى, اۋىل شارۋاشىلىعى ءمينيسترى ومىرزاق شوكەەۆكە تاسقىن سۋ مەن ەرىگەن قار سۋىن جيناۋ جانە ءبولىستىرۋ بويىنشا جوسپاردىڭ ورىندالۋىن باقىلاۋدا ۇستاۋدى تاپسىردى.
قر پرەمەر-ءمينيسترى باقىتجان ساعىنتاەۆ مەملەكەت باسشىسىنىڭ جاڭا سۋ قويمالارىن سالۋ بويىنشا تاپسىرمالارىن ورىنداۋ, سونداي-اق سۋ تاسقىنى قاۋپىن جويۋ بويىنشا ۇلكەن جۇمىس كۇتىپ تۇرعانىن اتاپ ءوتتى. بۇدان وزگە, باقىتجان ساعىنتاەۆ سۋ باسۋ قاۋپى بار ايماقتاردان تۇرعىنداردى كوشىرۋ باعدارلاماسىنىڭ جوباسىن ازىرلەۋدى تاپسىردى.
باقىتجان ساعىنتاەۆ سونداي-اق سۋ تاسقىنى قاۋپىنىڭ الدىن الۋ جانە جويۋ بويىنشا وبلىس اكىمدەرىنە جۇكتەلگەن زور جاۋاپكەرشىلىك تۋرالى ەسكە سالدى.
