ءوز بايانداماسىندا قانات بوزىمباەۆ جەدەل گيدرومەتەورولوگيالىق اقپاراتپەن قامتاماسىز ەتۋ ءۇشىن «قازگيدرومەت» رمك 310 گيدرولوگيالىق بەكەتتى, 339 مەتەورولوگيالىق ستانتسيالار مەن بەكەتتى, سونداي-اق ەكى قار كوشكىنى ستانتسياسىن قامتيتىن مەملەكەتتىك باقىلاۋ جەلىسىندە باقىلاۋ جۇرگىزەتىنىن ايتىپ ءوتتى.
سۋ وبەكتىلەرىندە شۇعىل وزگەرىس تۋىنداعان جاعدايدا بارلىق گيدرولوگيالىق بەكەتتەر ءار ءتورت ساعات سايىنعى جيىلەتىلگەن باقىلاۋعا اۋىسادى.
بۇدان وزگە, اپاتتى گيدرولوگيالىق قۇبىلىستار تۋىنداعان جاعدايلاردا قر ءىىم توتەنشە جاعدايلار كوميتەتىنە, قر اشم سۋ رەسۋرستارى كوميتەتىنە جانە جەرگىلىكتى اتقارۋشى ورگاندارعا ەسكەرتۋدى جەتكىزۋ سحەماسى جۇمىس ىستەيدى.
ۇلكەن, بولجامداردىڭ ەسەپتەرىندە ەسەپكە الىنباعان قار قورى بار جىرالارداعى ىلعالدىلىق قورىن انىقتاۋ ءۇشىن «قازگيدرومەت» فيليالدارى جانە ايماقتىق توتەنشە جاعدايلار دەپارتامەنتى ماماندارىمەن بىرلەسىپ نەگىزگى جازىق وزەندەردىڭ بارلىق الاپتارىندا قار-باتپاقتا جۇرگىشپەن ەكسپەديتسيالىق مارشرۋتتىق اينالىمدار جۇرگىزىلەدى.
«قازگيدرومەتتىڭ» سۋ تاسقىنى كەزەڭىندەگى نەگىزگى گيدرولوگيالىق بولجامدارى مۇددەلى مەملەكەتتىك ورگاندار مەن وبلىس اكىمدىكتەرىنە 2018 جىلدىڭ 1 ناۋرىزىنان باستاپ اپتا سايىن ءار ءۇش كۇن سايىنعى ناقتىلاۋمەن جەتى كۇن الدىن الا ۇسىنىلاتىن بولادى», — دەپ حابارلادى قانات بوزىمباەۆ.
سونداي-اق, ەنەرگەتيكا ءمينيسترى «سۋ تاسقىنى قاتەرلەرىنىڭ الدىن الۋ جانە جويۋ جونىندەگى 2017-2020 جىلدارعا ارنالعان شارالار كەشەنى» جول كارتاسى شەڭبەرىندە جۇمىس جۇرگىزىلىپ جاتقانىن ايتتى.
2017 جىلداعى جانە 2018 جىلعى 1 اقپانداعى جاي-كۇي بويىنشا وزەندەر الاپتارىنداعى ىلعال قورىنىڭ جينالۋى تۋرالى انىقتامالىق-كونسۋلتاتسيالار مۇددەلى مەملەكەتتىك ورگاندارعا ۋاقىتىلى جىبەرىلدى.
«جالپى جينالعان ىلعال قورىن تالداۋ, توپىراق توڭدانۋىنىڭ تەرەڭدىگى جانە سۋ قويمالارىنىڭ 70-90%-عا تولۋى كورسەتكەندەي, بىردەن كوكتەم شىققان جاعدايدا قاراعاندى, سولتۇستىك قازاقستان جانە اقمولا وبلىستارىنداعى ەلدى مەكەندەردى, ينفراقۇرىلىم نىساندارىن سۋ باسۋ قاۋپى بولۋى مۇمكىن», — دەپ مالىمدەدى قانات بوزىمباەۆ.
ەنەرگەتيكا ءمينيسترى بايانداماسىن اياقتاعان سوڭ قر پرەمەر-ءمينيسترى باقىتجان ساعىنتاەۆ قانات بوزىمباەۆقا جەرگىلىكتى ورگانداردىڭ سۋ تاسقىنى قاۋپىنىڭ الدىن الۋ بويىنشا بىرقاتار قاجەتتى شارالاردى قابىلداماۋىنا سەبەپ بولۋى مۇمكىن قازگيدرومەت بولجامدارىنىڭ ۋاقىتتىلىلىعىن قامتاماسىز ەتۋ بويىنشا سۇراق قويدى.
«بولجام جاساۋ جۇيەسى وزگەردى. ەگەر بۇرىن ءۇش اي العا گيدرولوگيالىق بولجام جاساساق, ەندى 1 ناۋرىزدان باستاپ جاڭا جۇيە – جەتى كۇندىك الدىن الا بولجامعا كوشەمىز. ونىڭ ىقتيمالدىعى – 90%-دان اسادى. ءار ءۇش كۇن سايىن تۇزەتۋ جاسالادى. ياعني بارلىق مەملەكەتتىك ورگاندار كليماتتىق جانە باسقا دا وزگەرىستەر تۋرالى اقپاراتتى ۇلكەن ىقتيمالدىلىقپەن الىپ وتىرادى», — دەپ جاۋاپ بەردى قانات بوزىمباەۆ.
سونداي-اق, ونىڭ ايتۋىنشا, بولجام جاساۋ كەزىندە جاڭا تاسىلدەر قولدانىلادى: ماتەماتيكالىق ۇلگىلەر, رادارلاردىڭ كومەگىمەن زەرتتەۋلەر.
ء«بىزدىڭ قىزمەتتەر ءۇشىن ايتا المايمىن, بىراق “قازگيدرومەت” ورىندالۋ ىقتيمالدىعى 90%-دان اساتىن بولجامداردى بەرەتىنى ناقتى», — دەپ تۇيىندەدى قانات بوزىمباەۆ.
