جاقىندا سارىاعاش اۋداندىق سوتىندا وسىنداي ءىس قارالعان. سۋديا سامال جولمۇراتقىزى ايتقانداي, جاس جىگىت جول ەرەجەسىن ورەسكەل بۇزعانىمەن قويماي, وسى زاڭسىزدىققا بايلانىستى حاتتاما تولتىرعان پوليتسەيدى تومپەشتەپ تاستاعان. تەرگەۋ بارىسىندا جۇرگىزۋشىنىڭ كىناسى تولىق دالەل تاپقان. ول ەندى قر قك-ءنىڭ «قۇقىق قورعاۋ ورگانى قىزمەتكەرىنىڭ ومىرىنە قولسۇعۋشىلىق» بابى بويىنشا ايىپتالىپ, جازاعا كەسىلدى. سوزىنەن قولى ۇزىن جىگىت ءبىر جىل التى ايعا باس بوستاندىعىنان ايىرىلدى.
الەۋمەتتىك جەلىدە جىگىتتەردى قويىپ, ايەلدەردىڭ دە پوليتسەيلەردىڭ پاگونىن ج ۇلىپ, اياق-قولىن سەرمەپ ۇرىپ جاتقان ساتتەرى تالاي جاريالانعان بولاتىن. زاڭدىلىقتى جاقسى بىلەتىن پوليتسەيلەردىڭ دەنى قورعانعاننان ارتىققا بارماي كەلدى. «كوپ اسقانعا – ءبىر توسقان». ەندى شوقپارداي جۇدىرىعىن الا جۇگىرگەندەر اقىلعا كەلەتىن شىعار.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
