شارا استانا قالاسى اكىمدىگىنىڭ Facebook الەۋمەتتىك جەلىسىندەگى رەسمي اككاۋنتىندا ونلاين-رەجيمدە كورسەتىلەتىن بولادى. ەسەپتىك كەزدەسۋ بارىسىندا الەۋمەتتىك جەلىنىڭ پايدالانۋشىلارى دا اكىمگە ءوز سۇراقتارىن قويا الادى.
قالا تۇرعىندارىنا ىڭعايلى بولۋ ءۇشىن ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى (ق.مۇڭايتپاسوۆ ك-ءسى, 5) مەن س.سەيفۋللين اتىنداعى قازاق اگروتەحنيكالىق ۋنيۆەرسيتەتىنىڭ (جەڭىس د-لى, 62) عيماراتتارىندا ەسەپتىك كەزدەسۋدەن تىكەلەي ترانسلياتسيا ۇيىمداستىرىلاتىن بولادى. مۇنداعى ازاماتتار تىكەلەي قوسىلۋ ارقىلى اكىمگە ءوز سۇراقتارىن قويا الادى.
بۇدان بولەك, «استانا» كونتسەرت زالىنىڭ فويەسىندە قالا اكىمىنىڭ ورىنباسارلارى, باسقارما جانە ەلوردا قىزمەتتەرىنىڭ باسشىلارى ازاماتتاردى قابىلداپ, ولارعا قاجەتتى كەڭەس بەرەتىن بولادى. حاتشىلار القاسى ساعات 8:30-دان 17:00-گە دەيىن جۇمىس ىستەيدى.
