تاريحي تۋىندىدا ەگەمەن ەلىمىزدىڭ نەگىزى قالانعان كۇننەن باستاپ ونىڭ قالىپتاسۋ كەزەڭدەرىنىڭ ەرەكشەلىكتەرى مەن 26 جىلدىق تاۋەلسىزدىك داۋىرىندەگى ىشكى جانە سىرتقى سىن-قاتەرلەردى ەڭسەرۋگە بايلانىستى قابىلدانعان شەشىمدەردىڭ ءمان-مازمۇنى جان-جاقتى باياندالادى. كىتاپ ەلىمىزدىڭ جاڭا تاريحىن تۇتاس قامتىعان, مازمۇنى اسا باي 4 بولىمنەن تۇرادى. ولار «مەملەكەتىمىزدىڭ دۇنيەگە كەلۋى. قازاقستاننىڭ ءبىرىنشى جاڭعىرۋى (1991-1995 جىلدار)», « ۇلى بەتبۇرىس. قازاقستاننىڭ ەكىنشى جاڭعىرۋىنىڭ باستالۋى (1996-1999 جىلدار)», «قياعا قۇلاش سەرمەۋ. قازاقستاننىڭ ەكىنشى جاڭعىرۋى (2000-2010 جىلدار)», «قالىپتاسقان مەملەكەت. قازاقستاننىڭ ءۇشىنشى جاڭعىرۋى (2010 جىلدار)» دەپ اتالادى.
مەملەكەت باسشىسى قازاقستان حالقى اسسامبلەياسىنىڭ ححV سەسسياسىندا بىرلىگىمىز بەن تۇراقتىلىعىمىزدى ساقتاساق, جارقىن بولاشاق تۋرالى ءۇمىتىمىزدىڭ ابىرويمەن ىسكە اساتىنىن ايتىپ ەدى. بۇگىنگى ءبىزدىڭ قوعامنىڭ بىرلىگى بەكەم, تۇراقتىلىعى تۇعىرلى. وزگەلەرگە ونەگە بولارلىقتاي بىرلىك پەن كەلىسىمنىڭ قازاقستاندىق بىرەگەي مودەلى جاسالدى. قازاقستان حالقى اسسامبلەياسى كونستيتۋتسيالىق مارتەبەگە يە بولدى. اسسامبلەيا تۋرالى زاڭ قابىلداندى. پرەزيدەنتتىڭ ءوزى بەلگىلەپ بەرگەن سارابدال ساياساتتىڭ نەگىزگى قاعيداتتارى جۇزەگە اسىرىلدى. ەلباسى ءوز ەڭبەگىندە قازاقستان حالقى اسسامبلەياسى بەيبىتشىلىك پەن كەلىسىمنىڭ سالتانات قۇرۋىندا اسا ماڭىزدى ورىنعا يە ەكەندىگىنە توقتالادى.
مەنىڭ پايىمداۋىمشا, «تاۋەلسىزدىك ءداۋىرى» كىتابى – قوعامدىق كەلىسىم مەن بەرەكە-بىرلىكتىڭ باعا جەتپەس قۇندىلىعىن پاش ەتكەن ەگەمەن ەلدىڭ شىنايى شەجىرەسى. ەلباسىنىڭ جۇرەك تورىندەگى تولعانىستارىنان شىققان بۇل ەڭبەك ءاربىر قازاقستاندىقتىڭ كىتاپ سورەسىنەن ورىن الۋى ءتيىس دەپ ويلايمىن.
ەلدار تولەۋبەكوۆ,
وسكەمەندەگى «دوستىق ءۇيى – قوعامدىق كەلىسىم ورتالىعىنىڭ» ديرەكتورى
