تارتىستى وتكەن كەزدەسۋدىڭ ءبىرىنشى كەزەڭىندە ەسەپ اشىلمادى. ەكىنشى تايمدا رەسەيلىكتەر بەلسەندىگىمەن كوزگە ءتۇستى. ناتيجەسىندە بۇرىشتامادان كەلگەن دوپتى ەدەر ليما قاقپاعا تۋرا كوزدەپ, ەسەپ اشتى.
ايتا كەتەرلىك تاعى ءبىر جايت ويىن بارىسىندا ەكى ەسكەرتۋ الىپ, نەگىزگى ويىنشى دۋگلاس جۋنيور الاڭنان قۋىلعاننان كەيىن, قۇرامامىزدىڭ جاعدايى قيىنداي بەردى. وسىلايشا رەسەيلىكتەر 1:0 ەسەبىمەن جەڭىسكە جەتتى. وكىنىشكە قاراي, كاكاۋدىڭ شاكىرتتەرى ەكى جىل بۇرىنعى جەتىستىكتەرىن قايتالاي المادى.
رەسەي مەن قازاقستان قۇرامالارى بيىلعى ەۋروپا بىرىنشىلىگىنىڭ توپتىق كەزەڭىندە دە كەزدەسكەن بولاتىن. «ۆ» توبىنداعى ماتچتا ويىن 1:1 ەسەبىمەن اياقتالعان ەدى. رەسەيلىك فۋتبولشىلاردان 2-مينۋتتا ەدەر ليما ەسەپ اشسا, قازاقستاندىقتار ساپىنان دۋگلاس 24-مينۋتتا تارازى باسىن تەڭەستىردى.
