جوبا كەڭسەسىنىڭ جەتەكشىسى جازيرا جىلقىشيەۆا جوبا شەڭبەرىندە مەملەكەتتىك قىزمەتتى ءتيىمدى تۇردە الۋ ءۇشىن مەديتسينا مەكەمەلەرىندەگى جاعدايدى جاقسارتۋدى جوسپارلاۋدا.
«دەنساۋلىق ساقتاۋ مەكەمەلەرىنە كەلۋشىلەردىڭ كوپ ەكەنىن بىلەمىز, سول سەبەپتى ءبىزدىڭ ءبىرىنشى مىندەتىمىز – مەديتسينالىق قىزمەتتى الۋدا قولايلى ورتا جاساۋ. ءبىزدىڭ جۇمىس توبى بارلىق ەمحانالارعا ينسپەكتسيا جۇرگىزىپ جاتىر, وندا ەلەكتروندى كەزەكتىڭ بار-جوعىن تەكسەرەمىز, وتىراتىن ورىندىقتار جەتكىلىكتى مە, كونديتسيونەر, باحيلگە ارنالعان اۆتومات, تىركەۋ جۇمىسى, كولل-ورتالىق پەن باسقا دا مەكەمەنىڭ جۇمىستارىنا جالپى تالداۋ جۇرگىزەمىز», – دەدى جازيرا جىلقىشيەۆا.
ينسپەكتسيا ناتيجەسىنەن كەيىن جاعدايدى جاقسارتۋعا ۇسىنىستار بەرىلىپ, جوندەۋ جۇمىستارى جۇرگىزىلىپ, ەمحانالار بىركەلكى ديزاينعا اۋىستىرىلادى. ياعني جوبا جەتەكشىسى ج.جىلقىشيەۆا استاناداعى دەنساۋلىق ساقتاۋ نىساندارىن قايتادان بىرىڭعاي ستيلگە اۋىستىرۋدى ۇسىنۋدا.
ونىڭ ايتۋىنشا, قاناتقاقتى جوباعا ەكى ەمحانا قاتىسادى. وندا مەديتسينالىق مەكەمەنىڭ تەك ديزاينى عانا ەمەس, جاعدايى دا ىڭعايلى, ساپالى ءارى مەديتسينالىق قىزمەت الۋ دا قولجەتىمدى بولا تۇسپەك.
«استانا – ادالدىق الاڭى» جوباسى اياسىندا اۋقىمدى قوعامدىق باقىلاۋ ەنگىزۋ جوسپارلاندى. جوبا كەڭسەسىنىڭ جەتەكشىسى ارنايى توپتىڭ قۇرالدى ازىرلەپ, ەنگىزەتىنىن ايتا كەتتى. وسى قۇرالدىڭ كومەگىمەن ازاماتتار قۇرىلىس جانە جوندەۋ جۇمىستارىنا قانشا قارجى بولىنگەنىن باقىلاپ وتىرا الادى جانە مەملەكەتتىك باعدارلامانىڭ دا قالاي جۇزەگە اسىرىلىپ جاتقانىن باقىلاي الماق.
