«مەديتسينالىق مەكەمەلەردە اقپاراتتىق جۇيەلەردى ەنگىزۋدىڭ ەڭ تومەن كورسەتكىشى - 21 پروتسەنت شىعىس قازاقستاندا تىركەلگەن. دانيال (وبلىس اكىمى - اۆت.), تۇر, تەز تۇر دەدىم. اقتوبەدە وبلىسىندا - 37 پروتسەنت, استانادا 31 پروتسەنت ەكەن. ءبارىڭ تۇرىڭدار!», - دەدى ن.نازارباەۆ. وسىدان كەيىن اكىمدەر كەزەك-كەزەك ەسەپ بەردى. شىعىس قازاقستان وبلىسىنىڭ اكىمى دانيال احمەتوۆتىڭ ايتۋىنشا, ايماقتا مەديتسينالىق مەكەمەلەردى كومپيۋتەرلەر جانە باسقا تەحنيكامەن قامتاماسىز ەتۋگە 1 ملرد تەڭگە بولىنگەن بولاتىن.
«الايدا بارلىق تەحنيكانى قارجى مينيسترلىگىنىڭ ساتىپ الۋلار كوميتەتى ساتىپ الادى», - دەدى د. احمەتوۆ. دەگەنمەن, قر قارجى ءمينيسترى باقىت سۇلتانوۆ ونىڭ ءسوزىن جوققا شىعاردى. «نۇرسۇلتان ءابىش ۇلى, ءبىز تەك ساتىپ الۋلار الاڭىن عانا ۇسىنامىز. كوميسسيالاردىڭ بارلىعى وڭىردە وتىرادى. ءبارىن سولار شەشەدى. وندايدا بىزگە سىلتەي سالادى. ول دۇرىس ەمەس», - دەپ اتاپ كورسەتتى ب.سۇلتانوۆ. ال اقتوبە وبلىسىنىڭ اكىمى بەردىبەك ساپارباەۆ كومپيۋتەردى ساتىپ الۋعا اقشانى تولىعىمەن بولگەنىن جەتكىزدى.
استانا اكىمى اسەت يسەكەشەۆ تە الداعى ۋاقىتتا وزىنە جۇكتەلگەن مىندەتتەردى ورىنداۋعا ۋادە ەتتى. «بۇل - حالىقتىڭ دەنساۋلىعى. ۇساق-تۇيەك نارسە ەمەس. مينيسترلىك بارلىق جۇمىستى ۇيلەستىرۋى ءتيىس. اكىمدەر جۇكتەلگەن تاپسىرمانى ورىنداۋى قاجەت. ىستەي الماساڭدار, ايتىڭدار! جۇمىستى اتقارۋعا نە كەدەرگى؟ بۇل - اسا وزەكتى ماسەلە, ونى تەزدەتىپ شەشۋ كەرەك», - دەپ اتاپ كورسەتتى ن.نازارباەۆ. بۇدان بولەك, مەمەلەكەت باسشىسى سولتۇستىك قازاقستان, قوستاناي مەن اقمولا وبلىستارىنىڭ اكىمدەرىن تۇرعىزىپ, ءبىر سىلكىلەپ الدى. سەبەبى اتالعان ايماقتاردا مەديتسينالىق مەكەمەلەردى ينتەرنەتپەن قامتۋ كورسەتكىشى تومەن بولىپ تۇر. قر دەنساۋلىق ءمينيسترى ەلجان ءبىرتانوۆتىڭ ايتۋىنشا, اعىمداعى جىلى ماۋسىم ايىنان باستاپ دەنساۋلىقتىڭ ەلەكتروندى تولقۇجاتى پيلوتتىق رەجىمدە ەنگىزىلەدى.
«ەگەر جىلدىڭ اياعىنا دەيىن بارلىق ايماقتار اقپاراتتىق جۇيەلەرىن رەتكە كەلتىرسە, كەلەسى جىلدان باستاپ دەنساۋلىق سالاسىنىڭ باسىم بولىگى ەلەكتروندى رەجىمدە جۇمىس ىستەيتىن بولادى», - دەيدى ە.ءبىرتانوۆ.
