ء"بىز قولجەتىمدى باسپانا جايلى ايتىپ وتىرمىز, ونى ادامدارعا پايدالانۋعا بەرۋ ءۇشىن سالىپ جاتىرمىز. بىراق ادامدار ءالى كۇنگە دەيىن ەسكى ۇيلەردە تۇرىپ جاتىر, ال جاڭا ۇيلەردى جالعا بەرەدى - اقشا تابۋ ءۇشىن. بۇل دۇرىس تا شىعار... بىراق بىزگە ەسكى ۇيلەردى بۇزۋ كەرەك", - دەدى پرەزيدەنت. ونىڭ ايتۋىنشا, بۇل ماسەلەگە مەملەكەتتىك-جەكە سەرىكتەستىكتى ارالاستىرۋ كەرەك.
"مىسالى, ءتورت قاباتتى ەسكى ۇيلەر تۇر, ولاردىڭ سالىنعانىنا 60-70 جىل بولدى. ەسكى ۇيلەردى بۇزىپ, جەردى بيزنەسكە بەرۋ كەرەك. بۇل ءتيىمدى عوي. بيزنەسكە ۇتىمدى بولادى. (...) مۇنىمەن قوسا, بۇل جاقسى تۇرعىن ۇيلەرگە كوشۋگە مۇمكىندىك بەرەدى", - دەدى مەملەكەت باسشىسى.
وسىعان دەيىن نازارباەۆ كەڭەيتىلگەن وتىرىس بارىسىندا پرەمەر-مينيستر باقىتجان ساعىنتاەۆتىڭ بايانداماسىن تىڭداپ, وزىندىك سىننىڭ جوقتىعى جايلى ايتقان ەدى. "جاقسى باياندادىڭ, بىراق سىن كوزبەن قاراۋ كەرەك", - دەگەن ەدى پرەزيدەنت ساعىنتاەۆقا. ايتا كەتەيىك, كەڭەيتىلگەن وتىرىس ۇكىمەت عيماراتىندا ءوتىپ جاتىر. نازارباەۆ وتىرىستىڭ جوسپارى مەن باياندامالاردىڭ كەزەگى جايلى ايتىپ, پرەمەر-مينيستر باقىتجان ساعىنتاەۆقا ءسوز بەردى.
