اتىراۋ وبلىسىندا 2017 جىلى «اتىراۋ قالاسى كوشەلەرىن جارىقتاندىرۋ قۇرىلىسى مەن پايدالانۋعا بەرۋ» جانە «اتىراۋ وبلىسىندا دياگنوستيكا بويىنشا باعدارلاما ازىرلەۋ, ارنايى مامانداندىرىلعان باعدارلامالىق جانە ساندىق رەنتگەنوگرافيكالىق جۇيەلەرمەن جابدىقتاۋدان تۇراتىن وكپە تۋبەركۋلەزىن ەرتە دياگنوستيكالاۋعا ارنالعان ءىس-شارالار كەشەنىن ازىرلەۋ, پايدالانۋعا بەرۋ» جوبالارى جۇزەگە اسىرىلا باستادى.
2018 جىلى اتىراۋ قالاسىندا بالاباقشا, مەكتەپ, اۋىسىمىنا 250 قابىلداۋعا ارنالعان ەمحانا, اقساي سەلوسىندا اۋىسىمىنا 25 قابىلداۋعا ارنالعان دارىگەرلىك امبۋلاتوريا قۇرىلىستارى جوبالارىنىڭ باستالۋى جوسپارلانىپ وتىر. «اتىراۋ قالاسىندا 10 200 توننا كوكونىس قويماسى مەن 1 گا جىلىجاي سالۋ, پايدالانۋعا بەرۋ», «اتىراۋ قالاسىندا مونشا سالۋ, پايدالانۋعا بەرۋ», «اتىراۋ وبلىسى اۋداندارىندا قاتتى تۇرمىستىق قالدىقتار پوليگونىن سالۋ, پايدالانۋعا بەرۋ», «اتىراۋ قالاسىنداعى مەكتەپتەردە تاماقتانۋدى ۇسىنۋ مەن ۇيىمداستىرۋعا حالىقارالىق ستاندارتتار ەنگىزۋ» جوبالارى بويىنشا كونكۋرستىق قۇجاتتاما دايىنداۋ جۇمىستارى دا جۇرۋدە.
«تسيفرلىق قازاقستان» باعدارلاماسىن جۇزەگە اسىرۋ اياسىندا «اتىراۋ قالاسىندا بەينەباقىلاۋ مەن ججە بۇزعانداردى فوتوبەينەتىركەۋ اپپاراتتى-باعدارلامالىق كەشەنىن قۇرۋ, پايدالانۋعا بەرۋ», «قۇلسارى قالاسىندا سىرتقى جارىقتاندىرۋ جەلىلەرى قۇرىلىسى مەن پايدالانۋعا بەرۋ», «اتىراۋ قالاسىنداعى مەكتەپتەردە اقىلدى باسقارۋ جۇيەسىن قۇرۋ» جوبالارىن ىسكە اسىرۋ جوسپاردا بار.
