فوتو: today.kz
يۋليا گالىشەۆا 76.36 ۇپاي جيناپ, جەتىنشى بولدى. وسىلايشا وتانداسىمىز العاشقى مۇمكىندىگىنەن-اق فينالعا شىقتى. قىزدار اراسىندا سىنعا تۇسكەن تاعى ءبىر جەرلەسىمىز اياۋلىم امىرەنوۆا 26-بولىپ, ءبىرىنشى مۇمكىندىگىنەن فينالعا كىرە المادى. ەندى 11 اقپاندا ونىڭ فينالعا شىعاتىن تاعى ءبىر مۇمكىندىگى بولادى.
يۋليا گالىشەۆا وسىمەن ءۇشىنشى وليمپياداعا قاتىسىپ وتىر. ول 2010 جىلى 11-ورىن, 2014 جىلى جەتىنشى ورىن العان. ال 16 جاستاعى اياۋلىم امىرەنوۆا وليمپياداعا تۇڭعىش رەت قاتىسىپ وتىر.
ال ەرلەر اراسىندا دميتري رەيحەرد پەن پاۆەل كولماكوۆ ەش قيىندىقسىز شىقتى. بۇل سىندا ولار تيىسىنشە ءۇشىنشى جانە جەتىنشى بولدى. ەرلەر اراسىنداعى فينال 12 اقپان كۇنى وتەدى.
ايتا كەتەيىك, پحەنچحانداعى وليمپيادانىڭ اشىلۋى بۇگىن 17:00-دە باستالادى. تىكەلەي ەفيردە "حابار", Qazsport جانە Qazaqstan تەلەارنالارى كورسەتەدى.
