«ۇكىمەت ءسىزدىڭ باستاماڭىزبەن باستاۋ العان «تسيفرلىق قازاقستان» باعدارلاماسىن جۇزەگە اسىرۋ بويىنشا بەلسەندى جۇمىستاردى اتقارۋدا. 2022 جىلعا قاراي ەلىمىزدىڭ بارلىق ەلدى مەكەندەرى كەڭ جولاقتى ينتەرنەتكە قول جەتكىزىپ, قاجەتتى بايلانىسپەن قامتاماسىز ەتىلەدى», - دەدى ب.ساعىنتاەۆ.
سونىمەن قاتار ول تسيفرلىق ەكونوميكا مەن حالىقتىڭ تسيفرلىق ساۋاتتىلىعى ءۇشىن كادرلاردى دايارلاۋ جونىندەگى جوسپار قابىلدانعانىن اتاپ ءوتتى. «باستاپقى 500 ونەركاسىپتىك كاسىپورىندا 4.0 يندۋسترياسى ەلەمەنتتەرىن ەنگىزۋ مەن بازالىق سالالاردا تەحنولوگيالىق قايتا جاراقتاۋ بويىنشا شارالار ازىرلەندى. ەلەكتروندىق كوممەرتسيانى دامىتۋدا, سونداي-اق جالپى ءىت-سالانى جەتىلدىرۋ تۇرعىسىندا زاڭنامالىق نورمالار ازىرلەندى. «اقىلدى» قالالاردى دامىتۋ تۇجىرىمداماسى بەكىتىلدى. جىل سوڭىنا دەيىن ءار وڭىردە قاناتقاقتى جوبالار جۇزەگە اسىرىلادى», - دەدى پرەمەر- مينيستر.
نۇرسۇلتان نازارباەۆ پرەمەر-مينيستردەن «سوڭعى جولداۋدى ورىنداۋ بويىنشا نە ىستەدىڭدەر؟» - دەپ سۇرادى.
«سوڭعى جولداۋ ناتيجەسى بويىنشا ۇكىمەتتە جالپى ۇلتتىق باعدارلاما قابىلداندى. سالا-سالا بويىنشا كورسەتىلگەن 10 مىندەتكە سايكەس ءار مينيسترلىككە تاپسىرمالار بەرىلدى. ينديكاتورلار قويىلدى. جىلدىڭ سوڭىنا دەيىن تاپسىرمالار ورىندالاتىن بولادى», - دەپ جاۋاپ بەردى باقىتجان ساعىنتاەۆ.
مەملەكەت باسشىسى پرەمەر-ءمينيستردىڭ بايانداماسىنا «جاقسى باياندادىڭ, بىراق وزىڭە دەگەن سىني كوزقاراس جوق» دەپ باعا بەردى.
