ماقسات – ءوزارا ىقپالداستىقتى تەرەڭدەتۋ

كەشە قازاقستان رەسپۋبليكاسىنىڭ سىرتقى ىستەر ءمينيسترى ەرجان قازىحانوۆ استاناعا رەسمي ساپارمەن كەلگەن سەربيا رەسپۋبليكاسىنىڭ سىرتقى ىستەر ءمينيسترى ۆۋك ەرەميچپەن كەزدەسىپ, كەلىسسوز جۇرگىزدى. ۆۋك ەرەميچتىڭ بۇل قازاقستانعا جاساعان ءتورتىنشى, ال مينيستر رەتىندەگى ءبىرىنشى رەسمي ساپارى بولىپ تابىلادى. ەكى ساعاتقا جۋىق ۋاقىتقا سوزىلعان كەلىسسوز بارىسىندا ەكىجاقتى جانە كوپجاقتى ىن­تى­ماقتاستىق ماسەلەلەرى تال­قى­لاندى. ە.قازىحانوۆ ءوز ءسوز­ىن­د­ە قازاقستان مەن سەربيا ارا­سىن­داعى ساياسي, ساۋدا-ەكو­نو­ميكالىق جانە مادەني-گۋ­ما­نيتارلىق قا­تى­ناستار جەمىستى دامۋدا ەكەنىنە ەرەكشە ەكپىن ءتۇسىردى. بيىل ەكى ەل اراسىندا ديپلوماتيالىق قارىم-قاتى­ناس­تاردىڭ ورناعا­نىنا 15 جىل تولعالى وتىر. بىلتىر قازان ايىندا سەربيا پرەزيدەنتى بوريس تاديچ­تىڭ قازاقستانعا مەملەكەتتىك ساپا­رى بولىپ ءوتتى. سونىڭ ءنا­تي­جە­سىن­دە «ەركىن ساۋدا تۋ­را­لى», «ءوز­ارا ينۆەستيتسيانى قور­عاۋ تۋ­رالى», «ەكى مەملەكەت ازامات­تا­رىنىڭ ۆيزاسىز با­رىس-كەلىسى تۋرالى» ۇكى­مەت­ارالىق كەلىسىمدەر جاسالىپ, ەكى ەل سىرتقى ىستەر مينيستر­لەرى مەن ساۋدا-وندىرىستىك پا­لا­تالارى اراسىن­داعى ىنتى­ماق­تاستىق جونىندەگى ۆەدوم­ست­ۆو­ارالىق مەموراندۋمعا قول قويىلدى. بيىلعى ءساۋىر ايىندا ەكى مەم­لەكەتتىڭ ازاماتتارىنىڭ ءوز­ارا ساپارى تۋرالى ۇكىمەت­ارا­لىق كەلىسىمى ءوز كۇشىنە ەندى. ياعني, جوعارى دەڭگەيدەگى قول جەتكىزىلگەن ۋاعدالاستىق­تار بويىنشا ەكى ەل اراسىندا ۆيزاسىز رەجىم ورناتىلدى. ەندى قازاقستاندىق­تار مەن سەر­بيا­لىقتار ءبىر-ءبىرى­نە ءبىر ايعا دەيىنگى ارالىققا ۆي­زاسىز بارا الادى. جالپى, سەربيا ەۋرو­پاداعى قازاقستانمەن ۆيزاسىز رەجىم ورناتقان العاش­قى ەل بولىپ تابىلادى. ەلىمىزبەن ىنتىماقتاستىق­تى ودان ءارى تەرەڭدەتۋگە ماڭىز بەرىپ وتىرعان سەربيا قازاق­ستان­­دا ءوز ەلشىلىگىن اشقانى بەل­گىلى. سونىمەن قاتار, ەكى ەل اراسىندا بىرنەشە ساياسي-ەكو­نوميكالىق جانە ينۆەس­تي­تسيا­لىق كەلىسىمدەر جاسالىپ, ەكى­جاقتى كونسۋلتاتسيالار تۋ­را­لى كەلىسىمگە قول قويىلعان. وسى رەتتە بىرلەسكەن ساۋدا-ەكونو­مي­كا­لىق ماسەلەلەر ءجو­نىن­دەگى كوميسسيا قۇرىلعانىن ايتا كەتۋ كەرەك. ونىڭ وتى­رىسى كەلەسى جىلى وتكىزىلىپ, وندا قارىم-قاتىناستاردى ودان ءارى دە بەلسەندى دامىتۋ ماسەلەلەرى جان-جاقتى تالقى­لانادى دەپ كۇتىلۋدە. وسى ورايدا سەربيا سىرت­قى ساياسات ۆەدومستۆوسىنىڭ باس­شىسى ۆ.ەرەميچ اتالعان كوميسسيادا تەڭتوراعا لاۋا­زى­مى­نا يە. وكىنىشكە قاراي, ەكى ەل اراسىن­داعى ساۋدا اينا­لى­مى ەلدەردىڭ الەۋەتىنە سايكەس ەمەس. وتكەن جىلى ەكىجاقتى الىس-بەرىس كو­لە­مى 13 ميلليون عانا دوللاردى قۇراعان. بۇل كورسەتكىش سوڭعى بىرنەشە جىل قاتارىنان ەش ءوز­گەرەر ەمەس. ەكى ەل ىسكەر توپتارى باسقو­سىپ, ەكونوميكانىڭ ءوندى­رىس, كو­لىك, ەنەرگەتيكا, تەلەكوممۋنيكاتسيا, اقپاراتتىق تەحنولوگيا جانە فارماتسەۆتيكا سياق­تى سەكتورلارى بويىنشا ءدوڭ­گە­لەك ۇستەل دە وتكىزگەن بولاتىن. ۆ.ەرەميچ ءوز سوزىندە كەلەسى جىلدان باستاپ ەكى ەل ەكو­نو­مي­كالىق ىنتىماقتاستىعى ءجۇي­­ەلى تۇردە ۇيلەستىرىلىپ, نىعايا تۇسە­رىنە سەنىم ءبىلدىردى. ونىڭ پايى­مىنشا, بۇل اۋىل شارۋا­شى­لى­عى, قۇرىلىس جانە فارماتسەۆتيكا سالالارىندا ەرەكشە كورىنىس تابۋى ءتيىس. پىكىر الماسۋلار بارىسى استانا مەن بەلگرادتىڭ وزەكتى دەگەن حالىقارالىق جانە اي­ماقتىق پروبلەمالار بويىنشا كوزقاراستارىنىڭ جاقىن ەكەنىن كورسەتتى. اسقار تۇراپباي ۇلى.