الەمدىك توپقا قايتا ورالعان قازاقستان قۇراماسى العاشقى كەزەڭدە شۆەيتساريامەن كەزدەسەدى. «داۋلەت» سپورت كوشەنىندەگى سايىستار جۇما كۇنى باستالادى. بۇگىن كوماندا كاپيتاندارى مەن ويىنشىلارى تىلشىلەرمەن جۇزدەستى. شۆەيتساريا كومانداسىنىڭ كاپيتانى سەۆەرين ليۋتي بۇل جولى جاستارعا سەنىم ارتاتىنىن تىلگى تيەك ەتىپ, جارىسقا جاقسى دايىندىقپەن كەلگەندەرىن جەتكىزدى. شۆەيتساريا گەنري لااكسونەن, ادريان بودمەر, مارك-اندرەا حۋسلەر, انتۋان بەلەر سەكىلدى تەننيسشىلەرگە سەنىم ارتادى. قازاقستان ساپىندا ميxايل كۋكۋشكين, دميتري پوپكو, الەكساندر نەدوۆەسوۆ جانە تيمۋر حابيبۋلين بار.
- شۆەيتساريا كومانداسى وتە مىقتى بولىپ سانالادى. رودجەر مەن ستانيسلاس ۆاۆرينكا كەلمەگەنىنە بىرىنشىدەن قۋانىشتىمىز. ولار – مىقتى ويىنشىلار. بىراق ءبىز تۇسىنەمىز. دەۆيس كۋبوگىندا ءار نارسە بولۋى مۇمكىن. بۇل ويىن وتە ماڭىزدى, وتە قيىن بولادى دەپ ويلايمىن. بىراق ءبىز بارلىق كۇشىمىزدى تەك ۇتۋعا سالامىز, - دەدى تەننيستەن قازاقستان قۇراماسىنىڭ كاپيتانى دياس دوسقاراەۆ.
