الدىمەن ءسوز العان قوناقتار قۇراماسىنىڭ كاپيتانى بولدى. سەۆەرين ليۋتي بىردەن وسى تەكە تىرەستىڭ ءفاۆوريتى قازاقستان دەپ كەسىپ ايتتى.
- ءبىزدىڭ قۇراما كوماندانى بارلىعى فەدەرەر مەن ۆاۆرينكا ارقىلى تانيدى. بىراق, بۇل جولى رودجەر دە, ستانيسلاس تا كەلە المادى. وزدەرىڭىز ەستىپ-كورىپ وتىرسىزدار رودجەر فەدەرەر ءوزىنىڭ عۇمىرىنداعى 20-شى ۇلكەن ءتۋرنيرىن جەڭدى. كۇنى كەشە عانا «اۋستراليان وۋپەندى» ۇتتى. ال ستانيسلاۆ ۆاۆرينكا بولسا جاراقات الىپ, جارىتىپ كورتقا شىعا الماي ءجۇر. سوندىقتان دا, قازىر ءبىزدىڭ قۇرامانىڭ ەڭ مىقتى تەنيسشىسى ياري لاكسوننەن دەگەن جاس جىگىت. جالپى قۇرامامىز جاستاردان جاساقتالىپ, بولاشاققا جۇمىس ىستەپۋگە بەت الدىق. سەبەبى, فەدەرەر مەن ۆاۆرينكالاردىڭ جاستارى تاقاپ قالدى. ولار 1-2 جىلدا تەننيسپەن قوش ايتىسادى, سول كەزدە سولاردىڭ ورنىن باساتىن وسى جاستار. ءبىز سول باعىتتاعى جۇمىستى قازىردەن باستاپ وتىرمىز. سوندىقتان دا, وسى تەكە تىرەستە قازاقستان فاۆوريت دەگىم كەلەدى.
- ءسىزدىڭ ارىق ايتىپ, سەمىز شىعاتىن ادەتىڭىز ەمەس پە؟ دەگەنمەن, كەلەسى كەزەڭگە وتسەك دەگەن ويىڭىز بار عوي. قازاقستان قۇراماسىنان كىمدى ەرەكشەلەپ ايتار ەدىڭىز.
- ارينە, ۇتىلا سالۋ ءۇشىن كەلگەن جوقپىز. قايتا وسىنداي جاستاردان جاساقتالعان قۇراممەن قازاقستاندى ونىڭ الاڭىندا جەڭىپ كەتسەك, تاماشا بولار ەدى. ءبىزدىڭ نەگىزگى ماقساتىمىز دا سول. بىراق, ميحايل كۋكۋشكين سەكىلدى تىسقاققان تەننيسشىلەرگە ءبىزدىڭ جاستاردىڭ تاجىريبيەسى جەتە قويماس. ال قالعانىن كورتتا كورە جاتارمىز.
وسىدان سوڭ, ميكرافون الدىنا جايعاسقان دياس دوسقاراەۆ ءوز ويىن ايتا جونەلدى.
- قازاقستان وسى ويىندا جەڭۋى كەرەك دەپ ايتىلىپ جاتىر. الايدا, وسى سوزدەردىڭ ارقايسىسى بىزگە سالماق تۇسىرەدى. ەرتەڭ جەڭىلىپ قالىپ جاتساق, ابىرويسىزدىق بولادى عوي دەپ قوبالجيتىن كەزدەرىمىز دە جوق ەمەس. بىراق, سپورتتا سەنىمدىلىك دەگەن دۇنيە بار. ءوز ويىنىمىزدى كورسەتىپ, پىسىقتاعان دايىندىعىمىزدى تولىق اشا بىلسەك جەڭىسكە جەتۋىمىز كەرەك.
- ەگەر العاشقى 2-3 كەزدەسۋدە جەڭىسكە جەتسەك, بالكىم ءسىز دە جاستارعا كەزەك بەرەتىن شىعارسىز.
- ءيا قازىر ەكى تاجىريبيەلى تەننيسشى كۋكۋشكين مەن نەدوۆەسوۆ قاسىمدا وتىر. ولاردان بولەك جاستاردى دا شاقىردىق. دميتري پوپكونى قازىر جاستار قاتارىنان شىعارىپ تاستادىق. ول تاجىريبيەسى تولىسقان تەننيسشى. ال ونداي مۇمكىندىك تۋىپ جاتسا كورتقا تيمۋر حابيبۋللين, دميتري ەۆسەەۆ, رومان حاسانوۆتىڭ كەز-كەلگەنى شىعىپ قالۋى مۇمكىن.
- شۆەيتسارياعا قارسى ويىنعا قانشالىقتى دايىندالدىڭىزدار؟
- اقشتاعى دەلراي بيچ دەگەن كەشەندە جاتتىعۋ جۇمىستارىن جۇرگىزدىك. ول جاقتا ۇلتتىق قۇراما مەن جاستار قۇراماسىن دا شاقىردىق. 2 اپتا بويى تىڭعىلىقتى دايىندىق وتكىزدىك. جالپى ايتقاندا, ءبىز ۇلتتىق قۇراما رەتىندە جىل باسىنان بەرى تۇراقتى كەزدەسىپ, 10 كۇندەي جاتتىعۋلار جۇرگىزىپ تۇرامىز. وسى جولى دا تەننيسشىلەر ويىنعا دەيىن 10 كۇن بۇرىن استاناعا تەگىس جينالدى. ەندى تەك, جانكۇيەرلەردىڭ قولداۋىمەن شۆەيتساريانى جەڭۋ كەرەكپىز.
ەرمۇحامەد ماۋلەن
