قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ 2018 جىلعى 10 قاڭتارداعى قازاقستان حالقىنا جولداۋىنا سايكەس «اقىلدى تەحنولوگيالار» - اگروونەركاسىپتىك كەشەندى دامىتۋدا سەرپىلىس جاساۋعا مۇمكىندىك بەرەدى. وسىعان وراي, ماڭعىستاۋ وبلىسىنىڭ اۋىل شارۋاشىلىعى باسقارماسى 2 باعىت بويىنشا تسيفرلىق تەحنولوگيانى ەنگىزۋدى جوسپارلاپ وتىر:
ءبىرىنشى, بىرىڭعاي اۆتوماتتاندىرىلعان موبيلدىك قوسىمشالاردى ىسكە قوسۋ. ونىڭ كومەگىمەن تۇتىنۋشىعا مەملەكەتتىك قىزمەت الۋ قولجەتىمدى بولماق (24 ساعات بويى ونلاين-ءوتىنىش بەرۋ, ۋاقىت ۇنەمدەۋ, مەملەكەتتىك قىزمەتتەر تۋرالى اقپاراتتار, سۋبسيديالار جانە سۋبسيديالار بەرۋدەگى وزگەرىستەر مەن تولىقتىرۋلاردى باقىلاۋ).
ەكىنشى, شارۋاشىلىق ونىمدەرىن ساتۋعا ارنالعان ەلەكتروندىق كوممەرتسيا الاڭىن قۇرۋ. «ەلەكتروندىق كوممەرتسيا پلاتفورماسى (ۆەب-سايت + موبيلدىك قوسىمشاسى) ماڭعىستاۋ وبلىسىنىڭ تۇرعىندارىنا جەرگىلىكتى شارۋاشىلىقتاردان تاماق ونىمدەرىن جەتكىزۋدى ۇيىمداستىرۋعا, شارۋاشىلىقتان ۇستەلگە دەيىن ءونىم جەتكىزۋدىڭ قاشىقتىعىن, ۋاقىتىن جانە قۇنىن ەسەپتەۋگە مۇمكىندىك بەرەدى. ونلاين تولەم ادىستەرىنىڭ ءتىزىمى ءجيى كەڭەيتىلەدى», - وبلىستىق اۋىل شارۋاشىلىعى باسقارماسىنىڭ باسشىسى سەرىك قالدىعۇل.
ماڭعىستاۋ وبلىسى بويىنشا تابيعي مونوپوليانى رەتتەۋ جانە باسەكەلەستىكتى قورعاۋ دەپارتامەنتىنىڭ باسشىسى سەرجان سيحىمبەك ۇلىنىڭ بايانداماسىنا سايكەس, 2017 جىلدىڭ باسىنان باستاپ قازاقستان رەسپۋبليكاسىنىڭ باسەكەلەستىكتى قورعاۋ سالاسىنداعى زاڭناماسىن بۇزۋ بويىنشا 8 تەرگەۋ باستالدى (7 ادام لوگيكالىق قورىتىندىعا كەلىپ, ء بىر تەرگەۋ 2018 جىلى جالعاستى). اۋەجايعا مونوپوليالىق جاعدايدى تەرىس پايدالانۋ بويىنشا تەرگەۋ جۇرگىزىلۋدە. ول اقتاۋ تەرمينالىنىڭ اۋماعىندا قوعامدىق تاماقتاندىرۋ وبەكتىلەرىن جالعا بەرۋدىڭ جوعارى باعالارىن بەلگىلەۋدە انىقتالدى. سونداي-اق, 2017 جىلى دەپارتامەنت بىرقاتار مەملەكەتتىك ورگاندارعا تەرگەۋ جۇرگىزدى.
«ازاماتتارعا ارنالعان ۇكىمەت» مەملەكەتتىك كورپوراتسياسى» كوممەرتسيالىق ەمەس اكتسيونەرلىك قوعامى ماڭعىستاۋ وبلىسى بويىنشا فيليالى – «حالىققا قىزمەت كورسەتۋ ورتالىعى» دەپارتامەنتىنىڭ قىزمەتى تۋرالى ەربول بايجىگىت مالىمدەدى. 2017 جىلعا حقو دەپارتامەنتى 1 519 726 مەملەكەتتىك قىزمەت كورسەتتى, ونىڭ ىشىندە 1 030 625 قىزمەت ەلەكتروندى تۇردە ۇسىنىلدى. وبلىس بويىنشا 3 ءموبيلدى ورتالىق حالىققا قىزمەت كورسەتەدى. ايىنا 2 رەت قاراقيا, بەينەۋ جانە ماڭعىستاۋ اۋداندارىنىڭ شالعاي ەلدى مەكەندەرىنە مەملەكەتتىك قىزمەتتەردى كورسەتۋ ءۇشىن بارادى. سونىمەن قاتار, 2017 جىلدىڭ 29 جەلتوقسانىندا «ازاماتتارعا ارنالعان ۇكىمەت» مەملەكەتتىك كورپوراتسياسى» «ۇلتتىق اقپاراتتىق تەحنولوگيالار» اق-پەن بىرلەسە وتىرىپ اتا-انالارعا مەملەكەتتىك قىزمەتتەردى پرواكتيۆتى تاسىلمەن كورسەتۋ جوباسىن ىسكە قوستى. بالا تۋعاننان كەيىن اتا-انالار بالانىڭ تۋىن تىركەۋگە ارنالعان مەملەكەتتىك قىزمەتتى الۋ تۋرالى ۇسىنىسپەن SMS-حابارلاما الادى. بۇگىنگى تاڭدا مۇنداي حابارلاما 233 اتا-اناعا جىبەرىلدى.
اپپاراتتىق جيىندا وبلىستىق ساۋلەت جانە قالا قۇرىلىسى باسقارماسىنىڭ 2018 جىلعا ارنالعان نەگىزگى ماقساتتى كورسەتكىشتەرگە قول جەتكىزۋى تۋرالى باسقارما باسشىسى نايزابەك جايلاۋ باياندادى. بيىل باسقارما 3 نەگىزگى ماقساتتى كورسەتكىشتەرگە قول جەتكىزۋى قاراستىرۋدا. باسقارما باسشىسىنىڭ ايتۋىنشا, ولار اقتاۋ قالاسىنىڭ ينتەراكتيۆتىك كارتاسىن جاساۋ. قاجەتتى قاراجات 17,5 ملن. تەڭگە دەپ انىقتالىپ, ەكونوميكا جانە بيۋدجەتتىك جوسپارلاۋ باسقارماسىنا ۇسىنىلدى. سونداي-اق, اقتاۋ قالاسىنىڭ باس جوسپارىن بۇرىن جاساقتالعان قۇرىلىس سالۋ جوباسىمەن قوسا بارلىق ينفراقۇرىلىمدى وزەكتەندىرۋ ءۇشىن كەشەندى قۇرىلىس سالۋ جوباسىن جاساقتاۋ. سمەتالىق قۇنى 63,6 ملن. تەڭگە جانە اقتاۋ قالاسىندا وڭتۇستىك يندۋستريالدى ايماق قۇرىپ, دامىتۋدىڭ (ماەك ماڭايى) قۇرىلىس سالۋ جوباسىن جاساقتاۋ. سمەتالىق قۇنى 27,8 ملن. تەڭگە.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
