ەل بىرىنشىلىگى AIBA ەرەجەلەرىمەن بەكىتىلگەن 10 سالماق دارەجەلەرى بويىنشا ءوتتى. چەمپيوناتقا ەلىمىزدىڭ ءار وڭىرىنەن كەلگەن 90-نان اسا بوكسشى باس قوسىپ, ءوزارا مىقتىنى انىقتادى.
جارىستىڭ قورىتىندىسى بويىنشا ءوز سالماعىندا انەل قۇدايبەرگەن (48 كگ), جانسايا ءابدىرايىموۆا (51 كگ), ايزادا ەسليامعالي (54 كگ), ەركەجان داۋلەتجانقىزى (57 كگ), ماريا گلادكوۆا (60 كگ), زارينا حاليلۋللا (64 كگ), مايا بەيسەباەۆا (69 كگ), نادەجدا ريابەتس (75 كگ), گۇلسايا ەرجان (81 كگ) جانە دينا يسلامبەكوۆا (+81 كگ) جەڭىسكە جەتتى. سونىمەن قاتار كارينا ايزاحمەتوۆا, بالجان اسقار, جۇلدىز تويكوۆا («جەڭىسكە دەگەن جىگەرى ءۇشىن»), جانسايا ابدرايموۆا جانە گۇلسايا ەرجان («ۇزدىك بوكسشى») اتاندى.
قىزدار اراسىندا بوكستان تۇڭعىش رەت وتكىزىلگەن چەمپيوناتتىڭ جەڭىمپازدارى مەن جۇلدەگەرلەرىن وليمپيادا چەمپيونى ەرماxان يبرايموۆ باستاعان قازاق بوكسىنىڭ ارداگەرلەرى ماراپاتتادى.
– كىل مىقتىلاردى انىقتاعان قىزدار اراسىنداعى قازاقستان چەمپيوناتى وتە جوعارى دەڭگەيدە ءوتتى. بۇل ۇلتتىق قۇراما كومانداعا ىرىكتەۋ جارىسى بولاتىن. ەندى قۇراما كوماندا جاساقتالعاننان كەيىن ازيا, الەم چەمپيوناتتارى جانە جاسوسپىرىمدەر اراسىنداعى وليمپيا ويىندارىنا جولدامانى جەڭۋ ءۇشىن جۇمىس ىستەيتىن بولامىز, – دەدى ەرماحان يبرايموۆ.
ءالي بيتورە,
«ەگەمەن قازاقستان»
