ەلىمىز ءوزىنىڭ تاۋەلسىزدىك العاننان بەرى 26 جىلدىق دامۋ كەزەڭىنە ابىرويمەن ءوتىپ, حالىقارلىق ارەنادا بيىك بىلەستەردى باعىندىردى. ءوزىنىڭ ەكونوميكالىق دامۋ قارقىنىن الدىڭعى قاتارلى وزىق ەلدەردىڭ قاتارىنا قوسىلۋىمەن دالەلدەدى. ەلباسى تالداپ كورسەتكەندەي, ادامزات جاڭا ونەركاسىپتىك رەۆوليۋتسيا داۋىرىنە اياق باسقان تۇستا مەملەكەتىمىز رۋحاني جاڭعىرۋعا بەرىك نەگىز قالادى.
قازاقستاننىڭ 2050 جىلعا دەيىنگى دامۋ ستراتەگياسىنداعى باستى ماسەلە, ول – الەمدەگى وزىق وتىز ەلدىڭ قاتارىندا بولۋ. وعان ءبىزدىڭ مۇمكىندىكتەرىمىز مول, بىراق سول مۇمكىندىكتەردى سانالى تۇردە, ساپالى دەڭگەيدە ىسكە اسىرۋىمىز قاجەت.
بۇگىندە دۇنيەجۇزى ءتورتىنشى ونەركاسىپتىك رەۆوليۋتسيا قارساڭىندا تۇر. ومىرگە جاڭا تەحنولوگيا – قوعامنىڭ كوپ سالاسىن تسيفراندىرۋ تەحنولوگياسى كەلدى. ءبىز وعان دايىن بولۋىمىز كەرەك. پرەزيدەنت اتاپ كەتكەن ون نەگىزگى باسىمدىقتاردىڭ ءتۇيىنى – ول تسيفرلى تەحنولوگيا. الەم ەلدەرى دە تسيفرلى تەحنولوگياعا بەت الادى. وسىنداي ۇلكەن ىستە بار ماسەلەنى شەشەتىن ارينە بىلىكتى ماماندار ەكەنى بەلگىلى. ولاي بولسا جولداۋدا مۇعالىمدەردىڭ جۇمىسى, ۇستازداردىڭ مارتەبەسىن كوتەرۋ جايى ەرەكشە اتالدى. شىنىندا ەلىمىزدىڭ بولاشاعىن جاسايتىن مامانداردىڭ ءبارى مۇعالىمنىڭ, ۇستازدىڭ قولىننان وتەدى. ولاي بولسا, ۇستازعا دەگەن قۇرمەت – ەل دامۋىنىڭ كەپىلى.
وسى ۋاقىتقا دەيىنگى جەتىستىكتەرىمىز بەن تابىستارىمىزدىڭ نەگىزى – باستى قۇندىلىقتارىمىز – بەيبىتشىلىك, ۇلتارالىق جانە كونفەسسيالىق كەلىسىم. كەلەشەكتە دە ەلباسى ن.نازارباەۆتىڭ باسشىلىعىنىڭ ارقاسىندا ەلىمىز جوعارىدا كورسەتىلگەن قۇندىلىقتارعا سۇيەنە وتىرىپ دامي بەرەتىنىنە كۇمان جوق. ويتكەنى ەلباسى قيىن كەزەڭدەردە تۋرا جول تاۋىپ, ەل دامۋىنا ارنالعان جوسپارلار مەن رەفورمالاردى ءتيىمدى جۇرگىزگەنىنىڭ ناتيجەسىندە قازاقستاندى الەمگە تانىتتى, باسقالارعا مويىنداتتى. ولاي بولسا, بىزدەر قازاقستان حالقى اسسامبلەياسىنىڭ بارلىق مۇشەلەرى بارشا قازاقستاندىقتارمەن بىرگە وسى جولداۋدىڭ مىندەتتەرىن ىسكە اسىرۋعا ۇلكەن تالپىنىسپەن, ىنتا-جىگەرمەن كىرىسۋىمىز قاجەت.
قالقامان جاقىپ,
قازاقستان حالقى اسسامبلەياسىنىڭ مۇشەسى,
ا.بايتۇرسىنوۆ اتىنداعى قمۋ-ءدىڭ پروفەسسورى
