جالپى, جولداۋدا ايتىلعان ماڭىزدى ماسەلەلەر قازاقستان ءۇشىن تىڭ جوبالاردى قولعا الۋدىڭ مۇمكىندىكتەرى بولىپ قانا قويماي, الەمنىڭ ەڭ دامىعان مەملەكەتتەرىنىڭ قاتارىنا قوسىلۋعا دا ىقپال ەتەتىن جۇيە ەكەنى انىق. اسىرەسە اگرارلى-يندۋستريالىق ايماق سانالاتىن جامبىل ءوڭىرى ءۇشىن ءتورتىنشى ونەركاسىپتىك رەۆوليۋتسيا ونەركاسىپتى وركەندەتۋدىڭ تاپتىرماس جولى بولىپ وتىر. كاسىپورىنداردى اۆتوماتتاندىرۋ, ەڭبەك ونىمدىلىگىن ارتتىرۋ, بارلىق سالاعا تسيفرلى جۇيەنى ەنگىزۋ ماسەلەسى بۇگىندە كۇن تارتىبىندە. بۇل ماسەلەدە وبلىستا ءتيىستى العىشارتتار جاسالعان.
ەلباسى جولداۋىندا كورىنىس تاپقان بارلىق سالانى تسيفرلاندىرۋ مىندەتى وبلىس كاسىپورىندارىندا تسيفرلى تەحنولوگيالاردى ەنگىزۋ جۇمىستارى ارقىلى جۇزەگە اسۋدا. ماسەلەن, وتاندىق حيميا ءوندىرىسىن دامىتۋدا ايرىقشا ماڭىزعا يە «قازفوسفات» جاۋاپكەرشىلىگى شەكتەۋلى سەرىكتەستىگى جاڭا تەحنولوگيالاردى ەنگىزۋ, كۇردەلى جوندەۋ جانە قايتا جاراقتاندىرۋ كەزىندە جۇمىس ىستەپ تۇرعان قۇرىلعىلاردى جاڭعىرتۋ ماقساتىندا 2011-2020 جىلدارعا ارنالعان جاڭعىرتۋ جوسپارىن ازىرلەگەن. سونىمەن قاتار وسى كەزەڭدە 29,4 ميلليارد تەڭگەنى قۇرايتىن 11 ءىرى ينۆەستيتسيالىق جوبانى جۇزەگە اسىرۋ كوزدەلسە, ونىڭ 1,2 ميلليارد تەڭگەسى تەحنولوگيالىق پروتسەستى اۆتوماتتىق جۇيەدە باسقارۋعا ارنالعان.
ەلباسى جولداۋىنان تۋىندايتىن مىندەتتەردى جۇزەگە اسىرۋ بارىسىندا ءوڭىر ونەركاسىبىن اۆتوماتتاندىرۋعا جانە كومپيۋتەرلەندىرۋگە ۇمتىلىس جاساپ وتىرعان بىرقاتار كاسىپورىندار بار. «تسيفرلى كەنىش» جوباسىن قولعا العان «التىنالماس» كومپانياسى تسيفرلى يننوۆاتسيانىڭ كومەگى ارقىلى ونىمدىلىك پەن كىرىستى ارتتىرۋدى جانە شىعىنداردى 15 پايىزعا دەيىن ازايتۋدى كوزدەپ وتىر. ال «ورگستروي» جاۋاپكەرشىلىگى شەكتەۋلى سەرىكتەستىگى جاڭا تەحنولوگيانىڭ كومەگىمەن بلوكتاردى جارىلىسسىز ازىرلەۋدە گيپس, ءمارمار جانە گرانيت ءوندىرۋ جوباسىن قولعا الىپ كەلەدى.
مەملەكەت باسشىسى ءتورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى جايلى ايتقان جولداۋىندا ونەركاسىپ كەشەنىن جاڭا تەحنولوگيالىق دەڭگەيگە جەتكىزۋ مىندەتىن قويدى. بۇل ءوز كەزەگىندە اگرارلىق سالاداعى ەڭبەك ونىمدىلىگىن ارتتىرۋعا, سونداي-اق, وڭدەلگەن ءونىمنىڭ ەكسپورتىن ۇلعايتۋعا دا مۇمكىندىك بەرەدى. اسىرەسە بۇل باستاما شارۋا قوجالىقتارى ءۇشىن ءتيىمدى بولماق. ماسەلەن, قورداي اۋدانىنداعى «سامعاۋ» شارۋا قوجالىعى «دجون دير» ماركالى تراكتورىنا GPS باقىلاۋ تەحنولوگياسىن ەنگىزىپ, ەگىن شارۋاشىلىعىن ينتەنسيۆتەندىرۋدى قولعا الىپ وتىر. ال «گرين ۆيلل» جاۋاپكەرشىلىگى شەكتەۋلى سەرىكتەستىگى وڭتۇستىك كورەيا ينۆەستورلارىمەن بىرلەسۋ ارقىلى 4 گەكتار وندىرىستىك جىلىجايدى كليماتتى باقىلاۋ جانە ىلعالداندىرۋ پروتسەستەرىن كومپيۋتەرلىك باقىلاۋ جۇيەسىنە نەگىزدەپ, اۆتوماتتاندىرعان. ەندى اتالعان سەرىكتەستىك جامبىل اۋدانى, ايشا ءبيبى اۋىلدىق وكرۋگىندە يننوۆاتسيالىق اكۆاپونيكالىق ادىسپەن 1 گەكتار جەرگە جىلىجاي سالۋدى جوسپارلاۋدا. الداعى ۋاقىتتا جىلىجايلاردا وسىمدىكتىڭ 50 تۇرىنەن جىلىنا 800 تونناعا دەيىن ءونىم وندىرىلەدى.
ءوڭىر ونەركاسىبىندەگى وزگەرىستەر ورلەۋگە باستايدى. بۇگىندە الەمنىڭ دامىعان مەملەكەتتەرىندە تەحنولوگيالىق مۇمكىندىكتەردى پايدالانۋ, يگەرۋ ارقىلى دامۋ كورسەتكىشىنە قول جەتكىزىلىپ كەلەدى. ەلباسى ءوز جولداۋىندا وسى ماسەلەردى ايتا وتىرىپ, وتاندىق ونەركاسىپتىڭ ورلەۋ كەزەڭىن قالىپتاستىرۋدى مىندەتتەدى. ال وڭىرلەردە ونەركاسىپتىڭ ورلەۋ مۇمكىندىگى جوعارى بولعان جاعدايدا, سەرپىندىلىك ستراتەگياسىن قالىپتاستىرۋعا بولادى.
حاميت ەسامان,
«ەگەمەن قازاقستان»
جامبىل وبلىسى
