انتاليا قالاسىنداعى «كاليستو» ستاديونىندا وتكەن ەكى كوماندانىڭ ويىنى تەڭ ناتيجەمەن اياقتالدى.ء باسپاسوز قىزمەتىنەن حابارلاعانداي, كوماندانىڭ قارسىلاسى «كراسنودار» قۇرامىندا نەگىزىنەن جاستار ونەر كورسەتكەن. ويىننىڭ ءبىرىنشى كەزەڭى قوناقتاردىڭ باسىمدىعىمەن ءوتىپ, ناتيجەسىندە رەسەيلىكتەر قاتارىنان ءۇش گول سالعان.
ويىننىڭ ەكىنشى كەزەڭىندە «ورداباسى» ويسىراتا سوققى بەرۋگە كوشكەن. ەسە قايتارۋداعى ەكى گولدى ەركەبۇلان تۇڭعىشباەۆ پەن ابدۋلاي دياكاتە سوقتى. ال, ءۇشىنشى گولدىڭ جاعدايىنا كەلسەك, كەزەكتى شابۋىل كەزىندە دياكاتەنىڭ تەپكەن دوبىن قاقپاشىلاردىڭ ءبىرى كەرى قايتارامىن دەپ, ابايسىزدا ءوز قاقپاسىنا ەنگىزىپ الدى. وسىلايشا ەسەپ 3:3 ناتيجەمەن تەڭ اياقتادى.
