«كۇللى ءداشتى قىپشاق جۇرتى اۋليە تۇتىپ, ءازيز, ءاز دەپ قۇرمەتتەگەن ايگىلى جانىبەك xاننىڭ ايبارلى دۋلىعاسى كوزىمىزگە وتتاي باسىلدى», دەپ جازعان گازەت باسشىسى التىن وردانىڭ ۇلىق قاعانى اتاقتى وزبەك xاننىڭ ۇلى ءاز-جانىبەك xاننىڭ مۇسىلمانشا اتى جالال-اد-دين ەكەنى دە تۇسىندىرمە پاراعىندا كورسەتىلگەنىن ايتادى.
ياعني جادىگەردىڭ تۇسىندىرمەسىندە: «تيبەتتە تابىلعان, ءپىشىنى مەن جازۋى سيرەك كەزدەسەتىن بۇل دۋلىعا ورتالىق نەمەسە باتىس ازيادا جاسالعان بولۋى مۇمكىن. بۇل ورتالىق ازيا مەن تاياۋ شىعىستىڭ يسلام مادەنيەتتەرى اراسىنداعى ماڭىزدى بايلانىستى كورسەتەدى. دۋلىعانىڭ قاپتاماسى كۇمىستەن جاسالعان جانە وندا ارابشا بىلاي دەپ جازىلعان: « ۇلى مارتەبەلى, قولباسشى جاۋىنگەر سۇلتان ماحمۋد ءجانى بەك حاننىڭ بۇيرىعىمەن جاسالدى». حIV عاسىردا جاسالعان موڭعول تيىندارىنداعى جازۋلارمەن سالىستىرىپ قاراعاندا, بۇل موڭعولداردىڭ كوك وردا مەن التىن ورداسىن 1342 مەن 1357 جىلدار ارالىعىندا باسقارعان جانىبەك يبن وزبەك نەمەسە جالال-ءال-دين جاني بەك يبن وزبەك دەگەن اتپەن تانىمال بيلەۋشىسىنە تيەسىلى بولۋى مۇمكىن. ەگەر بۇل دالەلدەر دۇرىس بولسا, دۋلىعا موڭعول بيلەۋشىسىنىڭ ەسىمىن يەلەنگەن بىردەن ءبىر جادىگەر بولىپ تابىلادى», دەلىنگەن.
الەمدەگى ەڭ كوپ كورىلەتىن ءتورتىنشى مۋزەيدىڭ نەگىزى 1870 جىلى قالانعان ەكەن. ال وعان جاقۇت جادىگەردىڭ قالاي بارعانى ازىرگە جۇمباق. سونداي-اق, گازەت باسشىسى وندا مىسىر ماملۇكتەرىنىڭ اتاقتى بيلەۋشىسى قايتپاي سۇلتاننىڭ ساۋىتى, ۇندىستانداعى بابىر نەگىزىن قالاعان ۇلى موعولدار يمپەرياسىنىڭ باتىر بەكتەرىنە تيەسىلى قالقان, ساۋىت, ەر-تۇرمانى جانە ءۇش قۇرلىقتا ات ويناتقان وسمان مەملەكەتىنىڭ اسكەري مۇرالارى دا ساقتالعانىن جازادى.
سۋرەتتەر دارحان قىدىرالىنىڭ Facebook-تەگى پاراقشاسىنان الىندى.
