وتكەن جىلى قاڭتاردىڭ ورتا شەنىندە اقسۋاتتاعى «نۇر وتان» كەڭسەسى ورنالاسقان عيماراتتىڭ الدىن قاردان تازالاۋ ءساتىن جۋرناليستىك اۋەستىكپەن سۋرەتكە ءتۇسىرىپ العان ەدىم. سول جەردىڭ كورىنىسىن بيىل قاڭتاردىڭ ون ءۇشى كۇنى بارىپ تاعى دا سۋرەتكە ءتۇسىردىم. ەكى جىلعى سۋرەت ەكى ءتۇرلى. بىلتىرعى سۋرەتتە كوممۋنالدىق قىزمەت جۇمىسشىلارى قالىڭ قارمەن «ارپالىسىپ» جاتىر. بيىلعى سۋرەتتە قار تۇسپەگەن اشىق الاڭ قاراشا ايىنداعىداي سياقتى.
قازاقتا «كوكجيەكتەن كوتەرىلگەن بۋداق بۇلت كوك ءجۇزىن جاپسا, اتتىڭ قارا قاپتالىنان كەلەتىن قار جاۋادى» دەگەن نانىم بار. كوكتەمگە دەيىن ءالى تالاي ۋاقىت بار. كوجيەكتەن بۋداق بۇلت تا كوتەرىلەر, كوك ءجۇزىن جابار, اتتىڭ قارا قاپتالىنان كەلمەسە دە ءوز مولشەرىمەن اق مامىق قار دا جاۋار. قىس باستالعالى قولىنا كۇرەك ۇستاماعان اقسۋاتتىقتار بىلەكتەرىن سىبانىپ, الاقاندارىنا تۇكىرىپ قار كۇرەۋگە دە شىعار.
حامزا ساتيەۆ,
قازاقستاننىڭ قۇرمەتتى ءجۋرناليسى
شىعىس قازاقستان وبلىسى,
تارباعاتاي اۋدانى,
اقسۋات اۋىلى
