ەلىمىزدىڭ تۇكپىر-تۇكپىرىندە تەرەڭ تالقىلانعان تاقىرىپتىڭ تامىرى تەرەڭدە جاتىر. ويتكەنى بۇل باستاما ءبىزدىڭ تاريحىمىزبەن, بولمىسىمىزبەن ۇندەس. ءتىل ماماندارى مەن عالىمدار كۇش بىرىكتىرىپ كورشىلەس ەلدەردىڭ تاجىريبەسىن ەسكەرە كەلە لاتىن قارپىنە كوشۋ ماسەلەسىندە ۋاقىت وزدىرماي ناقتى ىسكە كىرىستى. عالامدىق دامۋدىڭ جاڭا داۋىرىندە لاتىن الىپبيىنە كوشۋ ۋاقىت تالابى بولىپ وتىر. اقپاراتتىق-كوممۋنيكاتسيالىق قۇرالداردى پايدالانۋدا, بۇكىلالەمدىك ترەندتەر تالابىنا تولىق ساي كەلۋدە اتالعان شەشىم تاپتىرماس قۇرال بولا الادى. بۇگىنگى تاڭدا دۇنيە جۇزىندەگى اسا وزەكتى اقپاراتتاردىڭ 70-75 پايىزى لاتىن گرافيكاسىمەن بەرىلەدى. الەمدەگى بارلىق IT سالا وزدەرىنىڭ باعدارلامالار بازاسى مەن تەحنيكالىق شەشىمدەرىن لاتىن تاڭباسىندا جاسايدى.
قازىرگى جاستاردىڭ لاتىنشاعا الدەقاشان باۋىر باسىپ العانىن اتاپ ايتقان ءجون, بۇگىنگى كۇنى قازاقستان جاستارى گادجەتتەردى بەلسەندى قولدانادى, ەلىمىزدىڭ باسىم بولىگى لاتىن ءالىپبيىن جاقسى مەڭگەرگەن. ارينە, باستاپقى كەزەڭدە ازداعان قيىندىقتار بولۋى مۇمكىن. الايدا بۇل باعىتتىڭ ومىرشەڭ ەكەنىن ۋاقىت دالەلدەيدى. بۇگىنگى كومپيۋتەر زامانىندا, ينتەرنەت جۇيەسىندە ۇستەمدىك ەتەتىن لاتىن ءالىپبيى ەكەندىگى بارىمىزگە ايان. اتالعان تاريحي شەشىم ءبىز ەڭبەك ەتەتىن مەديتسينا سالاسىن دا اينالىپ وتپەيدى. حالىقارالىق تەرميندەر, مەديتسيناعا قاتىستى مول ماعلۇماتتاردىڭ نەگىزگى بولىگى لاتىن تاڭباسىمەن تاڭبالانعان. سونىمەن قاتار تىلىمىزدەگى جات دىبىستاردى تاڭبالايتىن ارىپتەردەن ارىلىپ, قازاق ءتىلىنىڭ تابيعي تازا قالپىن ساقتاۋدا لاتىن الىپبيىنە كوشۋدىڭ ورنى ايرىقشا. ەڭ باستىسى, بۇل – قازاق ءتىلىنىڭ حالىقارالىق دارەجەگە شىعۋىنا جول اشاتىن التىن كوپىر. سول سەبەپتى مەملەكەت باسشىسى تاراپىنان قابىلدانعان شەشىمدى تاريحي شەشىم دەپ قابىلداعان ابزال.
سۋنيات قۇسىمجانوۆ,
«اكادەميك ب. جاربوسىنوۆ اتىنداعى ۋرولوگيا عىلىمي ورتالىعى» اق پروفەسسورى
