تاياۋدا جىراۋدىڭ اتى بەرىلگەن اۋداننىڭ ورتالىعى بوتاقارا كەنتىندە مەرەيتوي شارالارىن ۇيىمداستىرۋ جونىندەگى كوميسسيانىڭ وتىرىسى ءوتىپ, وندا بىرقاتار ماسەلەلەر تالقىلاندى. اتاپ ايتقاندا, كوميسسيا مۇشەلەرى مەرەيتويدىڭ تاڭبا بەلگىسىن تاڭدادى. ساراپقا تۇسكەن ءۇش نۇسقانىڭ ىشىنەن جەرگىلىكتى ونەر مەكتەبىنىڭ وقىتۋشىسى امانتاي اكىشەۆتىڭ ورىنداۋىنداعى جۇمىس ماماندار كوڭىلىنەن شىعىپ, مەرەيتوي لوگوتيپى رەتىندە ماقۇلداندى.
اۆتور ءوزىنىڭ جۇمىسىندا بۇقار جىراۋدىڭ سۋرەتىن سالىپ, جانىنا «رۋحاني جاڭعىرۋ» باعدارلاماسىنىڭ ەمبلەماسىن كەسكىندەگەن. سونداي-اق لوگوتيپتە تاۋكە حاننىڭ كەزىندەگى قازاقتىڭ «جەتى جارعى» زاڭىنىڭ سيمۆولدىق بەلگىسى رەتىندە جەتى تاڭبا دا ۇيلەسىمدى كورىنىس تاپقان.
ايتا كەتۋ كەرەك, اتالعان ەمبلەما ل.ن.گۋميلەۆ اتىنداعى ەۇۋ-ءدىڭ پروفەسسورى, بەلگىلى تاريحشى جامبىل ارتىقباەۆتىڭ دا وڭ باعاسىن الىپتى.
سونىمەن قاتار اتالعان كوميسسيا وتىرىسىندا مەرەيتوي وتكىزۋگە دەمەۋشىلەر تارتۋ, جىراۋدىڭ ءومىرى مەن حالقىنا جاساعان قىزمەتى تۋرالى دەرەكتى فيلم مەن قىسقا مەتراجدى بەينەروليكتەر ءتۇسىرۋ, باسپا جانە كادەسىي ونىمدەرىن جاساپ شىعارۋ سياقتى الۋان ءتۇرلى شارۋالار جايى پىسىقتالدى.
بۇقار جىراۋ قالقامان ۇلىنىڭ 350 جىلدىق مەرەيتويى بوتاقارا كەنتىندە وتەدى. بۇقار جىراۋ اۋدانىنىڭ اكىمدىگى مەرەيتوي قارساڭىندا اۋدان ورتالىعىن اباتتاندىرىپ, جولداردى جوندەۋدى قولعا الماقشى.
قايرات ءابىلدا,
«ەگەمەن قازاقستان»
قاراعاندى وبلىسى
