اق ءۇيدىڭ ءباسپاسوز قىزمەتى پرەزيدەنت دونالد ترامپ پەن قازاقستان پرەزيدەنتى نۇرسۇلتان نازارباەۆ اراسىنداعى رەسمي كەزدەسۋدە تالقىلاناتىن باستى تاقىرىپتاردىڭ ءبىرى اۋعانستان توڭىرەگىندە بولاتىنىن, ەكى ەلدىڭ كوشباسشىلارى «ايماقتىق قاۋىپسىزدىك جانە ەكونوميكالىق ىنتىماقتاستىق» ماسەلەلەرىن تالقىلايتىنىن حابارلاعان بولاتىن. سونىمەن قاتار اق ءۇيدىڭ ايتۋىنشا, كەزدەسۋ بارىسىندا قازاقستاننىڭ بىرقاتار حالىقارالىق ماسەلەلەر بويىنشا كوشباسشىلىق ەتەتىنى دە تالقىلاناتىن بولادى.
بۇل ساپار قازاقستاننىڭ بىرىككەن ۇلتتار ۇيىمىنىڭ قاۋىپسىزدىك كەڭەسىنە توراعالىق ەتۋ ۋاقىتىمەن تۇسپا تۇس كەلىپ وتىر. سوڭعى رەت ترامپ نازارباەۆپەن مامىر ايىندا ساۋد ارابياسىندا اراب-يسلام-امەريكان سامميتىندە جولىققان بولاتىن.
قازاقستان ۇلتتىق ءباسپاسوز كلۋبىنىڭ حابارلاۋىنشا, ترامپ پرەزيدەنتتىككە سايلانعاننان كەيىن, ول نازارباەۆقا ء«سىزدىڭ باسشىلىعىڭىزبەن قازاقستان كوپتەگەن جەتىستىكتەرگە قول جەتكىزدى, ءتىپتى, ونى «عاجايىپ» دەپ تە اتاۋعا بولادى» دەگەن.
