بيىلعى جولداۋدا ەلباسى ەلدىك مۇراتتارمەن قاتار, وڭىرلەردىڭ تۇرمىس-تىرشىلىگىنە دە ارنايى توقتالىپ, شىنايى كوڭىل بولگەنى ءبىزدى قۋانتتى. بۇل ءبىزدىڭ جۇمىسىمىزعا ەرەكشە سەرپىن بەرىپ, ايرىقشا جاۋاپكەرشىلىك جۇكتەيدى. قازىردىڭ وزىندە بۇعان تولىق نەگىز بار. اتاپ ايتقاندا, تالدىقورعان قالاسى جىلدان-جىلعا جاڭا نىساندار مەن ساۋلەتتى عيماراتتارمەن تولىعۋدا. سولاردىڭ ىشىندەگى ايتا كەتەرلىگى – قالادا بىردەن 2 ۇلكەن عيماراتتىڭ ىرگەسى قالانۋى. سالتانات سارايى مەن كورمە كەشەنى كوز قۋانتىپ, قاراشا ايىندا قاتارىنان قولدانىسقا بەرىلدى. تالدىقورعاندىق جاس جۇبايلار نەكەلەرىن بۇدان بىلاي ۇلكەن سالتانات سارايىندا قيادى. جاڭا نەكە سارايى ساۋلەتى جاعىنان قالاعا ەرەكشە كورىك بەرىپ قانا قويماي, ازاماتتىق حال اكتىلەرىن تىركەپ, 8 ءتۇرلى قىزمەت كورسەتەدى. ال شاھاردىڭ وڭتۇستىك-باتىس بولىگىندە ورنالاسقان كورمە الاڭى 4,5 مىڭ شارشى مەتر اۋماقتا, مۇندا كاسىپورىندار ءوز ونىمدەرىن جۇرت نازارىنا ۇسىنا الادى. ەكىنشى قاباتىندا بىلىكتى ماماندار كاسىپكەرلەرگە ءارتۇرلى قىزمەتتەر كورسەتەدى.
مەملەكەت باسشىسى جولداۋدا «اكىمدەر تۇرعىن ءۇي-كوممۋنالدىق ينفراقۇرىلىمىن جەتىلدىرۋ ماسەلەسىن مەملەكەت-جەكەمەنشىك ارىپتەستىگى نەگىزىندە بەلسەندى شەشۋى كەرەك», دەپ ايقىن مىندەت ارتتى. بۇل باعىتتا تالدىقورعان قالاسىندا بىرقاتار جۇمىستار قولعا الىنعان بولاتىن. وتكەن جىلى «تۇرعىن ءۇي قۇرىلىس جيناق بانكىمەن» اراداعى ارىپتەستىك كەلىسىم نەگىزىندە ەكى نىسان قۇرىلىسى باستالسا, بيىلعى جىلى تاعى ەكى كومپانيا ءوز ۇسىنىستارىن ءبىلدىرىپ, قالا اكىمدىگىمەن جۇمىس ىستەۋگە ىنتا ءبىلدىرىپ وتىر.
سونداي-اق اۋىلدىق ەلدى مەكەندەردى ساپالى اۋىزسۋمەن قامتاماسىز ەتۋ بويىنشا بىزدە جۇمىس بەلسەندى اتقارىلىپ, وتكەن جىلى «نۇرلى جول» باعدارلاماسىنىڭ اياسىندا ۇزىندىعى 27 شاقىرىم بولاتىن سۋمەن جابدىقتاۋ جەلىلەرىن قايتا قۇرىلىمداۋ جۇمىستارى اياقتالدى. ال بيىلعى جىلى بۇرىنعى يەسىز قالعان بىرىڭعاي سىرتقى سۋمەن جابدىقتاۋ جانە سۋدى بۇرۋ جەلىلەرىن قايتا وڭدەۋ جۇمىستارى بويىنشا 2 جوبانىڭ جۇمىسى جالعاسۋدا.
سونىمەن قاتار مەملەكەت باسشىسىنىڭ ء«بىلىم بەرۋ باعدارلامالارىنىڭ نەگىزگى باسىمدىعى وزگەرىستەرگە ۇنەمى بەيىم بولۋى جانە جاڭا ءبىلىمدى مەڭگەرۋ قابىلەتىن دامىتۋ بولۋعا ءتيىس», دەگەنى دەر كەزىندە قابىلدانعان دۇرىس شەشىم بولدى. مەكتەپكە دەيىنگى ءبىلىم بەرۋ ىسىندە بالالاردىڭ ەرتە دامۋى ءۇشىن ءوز بەتىنشە وقۋ ماشىعى مەن الەۋمەتتىك داعدىسىن دامىتاتىن باعدارلامالاردىڭ بىرىڭعاي ستاندارتتارىن ەنگىزۋ قاجەتتىگى زامان تالابى. وسىعان وراي بۇگىنگى كۇنى تالدىقورعاندا مەكتەپكە دەيىنگى مەكەمەدە 3 جانە 6 جاستاعى بالالار بالاباقشامەن 95,7 پايىز قامتىلعانىن ايتا الامىن. ءبىز مۇنىمەن توقتاپ قالماي, الداعى ۋاقىتتا ەلباسىنىڭ تاپسىرماسىنىڭ ورىندالۋىن جالعاستىرىپ, كەزەكتە تۇرعان بالالار سانىن ازايتۋعا كۇش سالا بەرمەكپىز.
جەر ءجانناتى جەتىسۋدىڭ كىندىك قالاسى تالدىقورعاندا ءتۇرلى ەتنوستار تاتۋلىقتا ءومىر سۇرۋدە. وسى ورايدا ەلباسىنىڭ ەتنوستىق توپ وكىلدەرى تۋرالى پىكىرىن قىزۋ قۋاتتايمىز. 74 ۇلت جانە ۇلىس وكىلى تۇراتىن قالامىزدا ەشقاشان ۇلتارالىق الاۋىزدىق بولعان ەمەس.
ال جولداۋداعى وڭىرلىك دەڭگەيدە بيزنەس-كليماتتى جاقسارتۋ تۋرالى ۇسىنىستى مەيلىنشە قولدايمىن. جىل قورىتىندىسى بويىنشا تالدىقورعاندا ونەركاسىپتە 66,2 ملرد تەڭگەنىڭ ونىمدەرى ءوندىرىلدى. قولدانىسقا 4 جاڭا ءوندىرىس ورنى بەرىلدى جانە 3 جۇمىس ىستەپ تۇرعان ءوندىرىس كەڭەيتىلدى. ناتيجەسىندە 1,5 ملرد تەڭگە ينۆەستيتسيا تارتىلىپ, 116 جاڭا جۇمىس ورنى اشىلدى. 2017 جىل بويىنشا قايتا وڭدەۋ وندىرىسىندەگى ينۆەستيتسيا 4,4 ملرد تەڭگەنى قۇرايدى, بۇل – وتكەن جىلمەن سالىستىرعاندا 2,3 ەسەگە ارتىق. مۇنىڭ ءبارى ارينە ەلباسىنىڭ وڭىرلەرگە نازار اۋدارۋىنىڭ ناتيجەسىندە قول جەتكەن تابىستار ەكەنى انىق.
باعدات قاراساەۆ,
تالدىقورعان قالاسىنىڭ اكىمى
