ۋنيۆەرسيتەتتىك ءبىلىم بەرۋ سالاسىندا جۇمىس ىستەيتىن بارلىق تۇلعالار ءۇشىن ەلدىڭ جاڭا دامۋ كەزەڭىندە قازاقستاننىڭ يگىلىگى ءۇشىن الەۋمەتتىك-ەكونوميكالىق ءومىرىنىڭ بارلىق سالالارىنا جاڭا جەتىستىكتەر ەنگىزىلىپ جاتقان كەزدە, بيلىك باسىندا بۇرىنعىداي ەلىمىزدىڭ ازاماتى تۇرعانى وتە ماڭىزدى. ءبىلىم بەرۋ قوعامداستىعى الدىنا ەلباسى «بارلىق جاستاعى ازاماتتاردى قامتيتىن ءبىلىم بەرۋ ىسىندە ءوزىمىزدىڭ وزىق جۇيەمىزدى» قۇرۋ مىندەتىن قويىپ وتىر. پرەزيدەنت ادامنىڭ ۇنەمى جەتىلىپ, بىلىمدەرى مەن داعدىلارىن جاڭارتۋ قابىلەتتەرى ومىردە جەكە تابىسقا جەتۋىنە جانە ەلىمىزدىڭ گۇلدەنۋىنە جول اشاتىنىنا نازار اۋدارادى. ۋنيۆەرسيتەت رەكتورى رەتىندە قازىرگى ستۋدەنت جاستاردىڭ تسيفرلى ءداۋىر جاعدايىندا كاسىبي ۇمتىلىستارىن جۇزەگە اسىرۋ ءۇشىن زور الەۋەتى بار جانە ولاردىڭ يننوۆاتسيالاردى قابىلداۋعا دايىن ەكەنىن دالەلدەي الامىن.
مەكتەپ باعدارلامالارىنىڭ مازمۇنىن جاڭارتۋ – زاماناۋي الەممەن ءتيىمدى قارىم-قاتىناس جاساۋعا قابىلەتتى كرەاتيۆتى تۇلعانى تاربيەلەۋ. وسكەلەڭ ۇرپاق بويىندا تەحنولوگيالىق ءداۋىر جاعدايىندا ومىرلىك قاجەتى بار داعدىلاردى مەڭگەرۋگە ۇمتىلۋدى تاربيەلەۋ ءۇشىن سول يدەيالار مەن ماقساتتارعا ورتاقتاسا الاتىن ۇستازداردى دايارلاۋ قاجەت. وسىعان بايلانىستى پرەزيدەنت «جوعارى ءبىلىم بەرۋ ىسىندە جاساندى ينتەللەكتپەن جانە «ۇلكەن دەرەكتەرمەن» جۇمىس ىستەۋ ءۇشىن اقپاراتتىق تەحنولوگيالار بويىنشا ءبىلىم العان تۇلەكتەر» سانىن كوبەيتۋ مىندەتىن قويىپ وتىر.
پرەزيدەنتتىڭ جاس عالىمدار ءۇشىن عىلىمي گرانتتار اياسىندا كۆوتا ءبولۋ تۋرالى ءسوزىن عىلىمي قوعامداستىق شابىتتانا قابىلدادى. بۇل جاس زەرتتەۋشىلەر ۇرپاعىنىڭ يدەيالارىن ءىس جۇزىندە ىسكە اسىرۋ مۇمكىندىكتەرىنىڭ ءورىسىن كەڭەيتەدى.
بيزنەستى, وندىرىستىك سەكتوردى قولدانبالى عىلىمي-زەرتتەۋ ازىرلەمەلەرىن دايىنداۋعا تارتۋ عىلىمي يدەيادان باستاپ ونىڭ ناتيجەلەرىن ەنگىزۋگە دەيىنگى جولدى ەداۋىر قىسقارتادى. ياعني عىلىم ءوڭىر مەن ەل ءۇشىن ماڭىزدى ماسەلەلەردى شەشۋگە باعىتتالادى.
ەلباسى ءۇش تىلدە ءبىلىم بەرۋ تاجىريبەسىن ودان ءارى دامىتۋ قاجەتتىگىن اتاپ ءوتتى. بۇل رەتتە پرەزيدەنتتىڭ جاس قازاقستاندىقتاردىڭ لايىقتى بولاشاعى تۋرالى قامقورلىعىن سەزىنۋگە بولادى. ء«وزىنىڭ تاريحىن, ءتىلىن, مادەنيەتىن بىلەتىن, سونداي-اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار قازاقستاندىق ءبىزدىڭ قوعامىمىزدىڭ يدەالىنا اينالۋعا ءتيىس».
ە.ا.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ءۇشتىلدى كادرلاردى دايارلاۋ تاجىريبەسى بار. بۇل باعدارلامانى مەڭگەرگەن تۇلەكتەر تابىستى جۇمىس جاسايدى, ولار ۇتقىر, قوسىمشا بىلىكتىلىكتەرگە يە بولىپ, ۇزدىك شەتەلدىك تاجىريبەنى ىقىلاسپەن قابىلدايدى. قازىرگى كەزەڭدە ۋنيۆەرسيتەت مەكتەپتەردە بيولوگيا, حيميا, ينفورماتيكا, ماتەماتيكا ءتارىزدى پاندەردى اعىلشىن تىلىندە وقىتاتىن ۇستازداردى دايارلاۋعا كىرىستى.
قازاقستاندىقتاردىڭ زاماناۋي الەمدىك وركەنيەت شىڭدارىنا قاراي باعىتتالعان جولى قازاق ءتىلىنىڭ ءالىپبيىن لاتىن گرافيكاسىنا كوشىرۋ ارقىلى ايتارلىقتاي جەدەلدەتىلەدى. وسى باعىتتاعى العاشقى قادامدار قوعامنىڭ ءۇمىتىن اقتاپ, جاعىمدى پىكىرلەرگە يە بولدى.
بارلىق دەڭگەيدەگى ءبىلىم بەرۋ جۇيەسىنىڭ بۇگىنگى تاڭدا قالىپتاسىپ كەلە جاتقان جاڭا پاراديگماسى ەنجارلىق, ۇستىرتتىككە, قۇزىرەتسىزدىككە جول بەرمەيدى.
ەركىن كوبەەۆ,
ە.بوكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ رەكتورى
قاراعاندى وبلىسى
