كاسىپورىن 2014 جىلدان بەرى 400 ميلليون تەڭگە بولاتىن مىڭداعان توننا پوليەتيلەن ونىمدەرىن ءوندىردى. وسى زامانعى جابدىقتار قويىلعان تسەحتاردىڭ ارقاسىندا مۇندا قالدىقسىز ءونىم شىعارىلادى. قالدىق شيكىزاتتان قوقىس سالىناتىن قاپتار شىعارۋ جولعا قويىلعان.
ر. اكىموۆ پەن د.ادىلبەكوۆ اۋدان اكتيۆىمەن بولعان كەڭەستە پرەزيدەنت ن.ءا. نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىندا العا قويىلعان نەگىزگى مىندەتتەرگە توقتالدى. سەناتورلار سونداي-اق, پارلامەنتتىڭ وتكەن جىلعى جۇمىسىنىڭ قورىتىندىلارى مەن زاڭناماداعى وزگەرىستەر تۋرالى تانىستىردى.
Cەناتور د.ادىلبەكوۆتىڭ تسەلينوگراد اۋدانىندا بولعان كەزدەسۋلەرىندە دە مەملەكەت باسشىسىنىڭ قازاقستان حالقىنا جولداۋىن تالقىلاۋ نەگىزگى تاقىرىپ بولدى. دەپۋتات الەۋمەتتىك دۇكەن جۇمىسىمەن تانىسۋ بارىسىندا مۇمكىندىگى شەكتەۋلى ادامداردى ەڭبەككە ورنالاستىرۋداعى جۇمىستارىن جوعارى باعالادى. پارلامەنتشى سونداي-اق «Capital Projects Ltd» جانە «Eco Park Astana» كاسىپورىندارىندا دا بولدى.
اكىمدىكتىڭ قىزمەتكەرلەرىمەن, ءماسليحات دەپۋتاتتارىمەن, كاسىپورىندار مەن شارۋا قوجالىقتارىنىڭ باسشىلارىمەن كەزدەسۋلەردە سەناتور سالىق زاڭناماسىنا ەنگىزىلگەن وزگەرىستەر تۋرالى اڭگىمەلەدى. د. ادىلبەكوۆ بيىلعى جىلدان باستاپ پاتەنت نەگىزىندەگى ارنايى سالىق ءتارتىبىن قولداناتىن كاسىپكەرلەر ءۇشىن سالىق مولشەرى 2 پايىزدان 1 پايىزعا دەيىن ازايتىلىپ, الەۋمەتتىك سالىق جويىلاتىنىن اتاپ ءوتتى.
اۋىل شارۋاشىلىعىن دامىتۋدىڭ كەلەشەگى ەگجەي-تەگجەيلى تالقىلاندى. «ساپالى ءونىم ءوندىرۋ ماقساتىندا اگروونەركاسىپ سالاسىنداعى عىلىمعا ەرەكشە نازار اۋدارۋ كەرەك. سونداي-اق ەڭ الدىمەن ساپاسىمەن ەرەكشەلەنەتىن ءوزىمىزدىڭ ۇلتتىق برەند جاساۋ اسا ماڭىزدى», دەدى د.ادىلبەكوۆ.
