ۇلتتىق كىتاپحانا ۇجىمى جولداۋدا ايقىندالعان مىندەتتەردى قىزۋ تالقىلاپ قولداۋ كورسەتتى. كىتاپحانا باسشىسى جانات سەيدۋمانوۆ ەلباسى جولداۋىنا قولداۋ بىلدىرە وتىرىپ, جولداۋدىڭ «ادامي كاپيتال – جاڭعىرۋ نەگىزى» دەپ اتالعان جەتىنشى تارماعىنا ەرەكشە توقتالىپ ءوتتى.
– ادامي كاپيتالدىڭ جاڭعىرۋى كىتاپحانا ىسىمەن تىكەلەي بايلانىستى. ويتكەنى, كىتاپحانالاردىڭ باستى ماقساتى - ساپالى ادامي كاپيتالدى ارتتىرۋعا ىقپال ەتۋ, جوعارى ءبىلىمدى, جان-جاقتى ۇرپاق قالىپتاستىرۋعا ۇلەس قوسۋ. وسى ورايدا, ۇلتتىق كىتاپحانانىڭ باستى مىندەتتەرىنىڭ ءبىرى –تۇرعىنداردىڭ وقۋعا قۇشتارلىعىن ارتتىرۋ ارقىلى مەملەكەتىمىزدە كىتاپ وقۋدىڭ بەدەلىن كوتەرۋ, جاس ۇرپاقتى وقۋعا تارتۋ جانە ءتولتۋما مادەنيەتىمىزدى ساقتاپ قالۋ. جولداۋدا ايتىلعان ادامي كاپيتال ساپاسىن نىعايتۋ جانە ۇلتتىڭ رۋحاني, ينتەللەكتۋالدى سەرپىلىسىنىڭ قاجەتتى قۇرالى رەتىندە حالىقتى وقۋعا تارتۋعا, عىلىمي-تەحنيكالىق, عىلىمي-تانىمدىق ادەبيەتتەردى ۇسىنۋعا, ولاردىڭ زاماناۋي ءبىلىم الۋىنا بارلىق مۇمكىندىكتەردى جاساۋعا ءتيىسپىز. وسى ارقىلى قازىرگى جاستاردى ءوزىنىڭ تاريحىن, ءتىلىن, مادەنيەتىن بىلەتىن, سونداي-اق اق زامانىنا لايىق, شەت تىلدەرىن مەڭگەرگەن, وزىق ءارى جاھاندىق كوزقاراسى بار ادامي كاپيتالىن قالىپتاستىرعان ءبىزدىڭ قوعامىمىزدىڭ يدەالىنا اينالدىرۋعا مىندەتتىمىز, – دەيدى ۇلتتىق كىتاپحانا ديرەكتورى جانات سەيدۋمانوۆ.
سونىمەن قاتار قر ۇلتتىق كىتاپحاناسىنىڭ جاستارىنان قۇرالعان جاستار كەڭەسى كەڭ اۋقىمدى تالقىلاۋ جاساپ, جولداۋدىڭ ماڭىزى مەن ەرەكشەلىكتەرى تۇرعىسىنداعى جەكە وي-پىكىرلەرىن ورتاعا سالدى.
ء«بىز ەلباسىنىڭ قازاقستان حالقىنا جولداۋىمەن تانىستىق. ەندى كورسەتىلگەن 10 باعىت بويىنشا جۇمىس ىستەپ, كۇش سالامىز. ونىڭ ىشىندە جاڭا تەحنولوگيالاردى دامىتۋعا ۇلەس قوسۋ ءۇشىن كىتاپحانا ىسىندە ونلاين قىزمەت كورسەتۋ مەن ەلەكتروندى باسىلىمدارعا باسىمدىق بەرۋدى جالعاستىراتىن بولامىز», دەيدى «جاستار كەڭەسىنىڭ» ءتورايىمى ايكەنجە جاقسىلىققىزى.
ەلباسىنىڭ قازاقستان حالقىنا كەزەكتى جولداۋى ماڭىزدى تاريحي قۇجات دەگەن كىتاپحانا ماماندارى, ونى جۇزەگە اسىرۋعا ءاربىر كىتاپحاناشى ءوز ەڭبەگىمەن, ءوز قىزمەتىمەن ۇلەس قوساتىندارىن ءبىلدىردى.
ارمان وكتيابر,
«ەگەمەن قازاقستان»
الماتى
