جارىس سارايشىق ىقشام اۋدانىندا ءوتتى. اتىراۋ وبلىستىق اكىمدىگىنىڭ قولداۋىمەن, وبلىستىق ۇلتتىق سپورت تۇرلەرى فەدەراتسياسىنىڭ ۇيىمداستىرۋىمەن اتالعان اۋداندا كوكپار سەنبى سايىن وتەدى. 3 ساعاتقا سوزىلعان ويىندا ەڭ كوپ سالىم سالعان نۇرلان بيسەنباەۆ 80 000 تەڭگە ەنشىلەدى. ۇلتتىق سپورت تۇرلەرى فەدەراتسياسىنىڭ پرەزيدەنتى اسلانبەك جانبالاەۆتىڭ اتىنان كوكپاردىڭ ەڭ ۇزدىك ويىنشىسى ماحامبەت اۋدانىنىڭ تۇرعىنى 16 جاسار ابىلاي لۇقپانوۆقا ەرتوقىم جانە «گۇلسارى» اتتى سايگ ۇلىكتىڭ يەسى قانات تۇرعاليەۆقا كوكپارشى ەتىگىن تابىستالدى.
– كوكپار اتىراۋ وبلىسىنداعى ۇلتتىق سپورتتى دامىتۋ ماقساتىندا ۇيىمداستىرىلۋدا. شەبەرلەر جاستارىمىزدى كوكپارشى بولۋعا دايىنداۋدا. تۇرعىنداردىڭ ۇلتتىق ويىنعا دەگەن قىزىعۋشىلىعى ارتىپ كەلەدى, - دەيدى اسلانبەك جانبالاەۆ.
ايتا كەتەيىك, وتكەن جىلدىڭ قورىتىندىسى بويىنشا اتىراۋ وبلىسى ۇلتتىق سپورتتى دامىتۋدا ۇزدىك دەپ تانىلىپ, وبلىستىق سپورت باسقارماسى باسشىسى ازامات بەكەتكە «التىن تۇعىر» ارنايى جۇلدەسى تابىستالعان بولاتىن.
