مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل دەپارتامەنتى باسشىسىنىڭ ورىنباسارى جانات جۇماباەۆتىڭ ايتۋىنشا, ادەپ كەڭەسىنىڭ وتىرىستارىندا 37 تارتىپتىك ءىس قارالعان. ابىرويىن توگەتىن ارەكەتتەرى ءۇشىن 18 مەملەكەتتىك قىزمەتكەر جاۋاپقا تارتىلعان. بىرەۋى قىزمەتىنەن الاستاتىلىپ, ەكەۋى لاۋازىمنان الىنعان. قىزمەت ەتيكاسىن بۇزۋىنا بايلانىستى 13 شەنەۋنىككە جازا قولدانىلعان.
جاۋاپقا تارتىلعانداردىڭ اراسىندا اۋماقتىق جانە جەرگىلىكتى ورگانداردىڭ 26 قىزمەتكەرى, 5 اۋىلدىق اكىم بار. ولاردىڭ اراسىندا ماس بولىپ كولىك جۇرگىزۋ وقيعالارى ءجيى كەزدەسەدى. ماسەلەن, ايىرتاۋ اۋداندىق دەنەشىنىقتىرۋ جانە سپورت ءبولىمىنىڭ جەتەكشىسى, الەكساندروۆكا اۋىلدىق وكرۋگىنىڭ اكىمى ءىشىپ الىپ, كولىك ايداعان. تورانعۇل اۋىلدىق اكىمى قاراماعىنداعىلارعا دورەكى مىنەز كورسەتكەن. امانگەلدى اۋىلدىق وكرۋگىنىڭ اكىمى جۇمىس كەزىندە توي جاساپ, ىشىمدىك ۇيىمداستىرعان.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى
