وبلىستىق سوتتىڭ سۋدياسى گۇلاجار باقىتجانوۆا جولداۋدا ايتىلعان مىندەتتەردى تارقاتا بايانداپ, جالپى قوعامعا ورتاق ماسەلەلەرمەن بىرگە, سىبايلاس جەمقورلىقپەن كۇرەس جانە زاڭنىڭ ۇستەمدىگى تۋرالى كەڭىنەن ايتىپ ءوتتى.
– جولداۋدا ايتىلعان باستى جاڭالىقتىڭ ءبىرى – مەملەكەتتىك ورگاندارداعى پروتسەستەردى, سونىڭ ىشىندە ولاردىڭ حالىقپەن جانە بيزنەسپەن قارىم-قاتىناسىن تسيفرلاندىرۋ. ەلىمىزدە قىلمىستىق ىستەر «ەلەكتروندى قىلمىستىق ءىس جۇرگىزۋ» پيلوتتىق جوباسىمەن قارالا باستادى. الداعى ۋاقىتتا بارلىق قىلمىستىق ءىس جۇرگىزۋ تسيفرلى تۇرگە تۇبەگەيلى كوشپەك. ءار سالادا مۇنداي تسيفرلى تەحنولوگيانىڭ ەنگىزىلۋى اشىقتىق پەن جىلدامدىقتى ارتتىرىپ, ارتىق قاعازباستىلىقتان ارىلۋعا مۇمكىندىك بەرەدى, - دەدى ول ءوز بايانداماسىندا.
وسىدان سوڭ قاتىسۋشىلار جولداۋدا ايتىلعان مىندەتتەرگە جەكە-جەكە توقتالىپ, ولاردى سوت جۇيەسىندە جۇزەگە اسىرۋ تۋرالى ويلارىمەن ءبولىستى.
– ەلباسى سوڭعى 3 جىلدا جەمقورلىق ءۇشىن 2,5 مىڭنان استام ادام سوتتالعانىن, وسى ۋاقىت ىشىندە ولاردىڭ 17 ميلليارد تەڭگە كولەمىندە كەلتىرگەن زالالى وتەلگەنىن ايتتى. جەمقورلىقتىڭ الدىن الۋعا باعىتتالعان كۇرەس جۇمىستارى بۇعان دەيىن دە جۇرگىزىلدى, ءالى دە جالعاسا بەرەتىن بولادى. سونداي-اق تسيفرلاندىرۋ ماڭىزدىلىعىنا بايلانىستى سوت عيماراتتارىنداعى بارلىق تەحنولوگيالاردىڭ قوسۋلى بولىپ, يگىلىكپەن قىزمەت كورسەتۋىنە ءمان بەرە وتىرىپ, كەمشىلىكتەردىڭ الدىن الۋىمىز كەرەك, -دەدى ماڭعىستاۋ وبلىستىق سوتىنىڭ توراعاسى جاقسىلىق الانوۆ.
ءوز ويىن وسىلايشا ورتاعا سالعان سوت توراعاسى ۇجىمداستارىن جولداۋ مىندەتتەرىن جۇيەلى ءارى ساپالى جۇزەگە اسىرىپ, بەلسەندى قىزمەت ەتۋگە شاقىردى.
قاتىسۋشىلار جۇمىس جوسپارىن قۇرىپ, وندا جەمقورلىقپەن كۇرەس, سوت جۇيەسىنىڭ ءيميدجىن كوتەرۋ, حالىقتىڭ سوتقا سەنىمىن قالىپتاستىرۋ, قىلمىستىق ىستەردى ەلەكتروندى فورماتتا قاراۋ تارتىپتەرىن سارالاۋ سەكىلدى ماڭىزدى ماسەلەلەردى قامتۋ كەرەكتىگىن ايتتى. جيىن سوڭىندا القا توراعالارىنا جولداۋ مىندەتتەرىن جۇزەگە اسىرۋ بويىنشا ناقتى ۇسىنىستار كەلتىرۋ, ال, وقۋ ورتالىعىنا جۇمىس جوسپارىن قۇرۋ تاپسىرىلدى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
