پارلامەنت سەناتىنىڭ دەپۋتاتى ءالي بەكتاەۆ وڭتۇستىك قازاقستان وبلىسىنداعى جۇمىس ساپارى بارىسىندا ونەركاسىپ جانە اۋىل شارۋاشىلىعى كاسىپورىندارىنىڭ, الەۋمەتتىك مەكەمەلەردىڭ ەڭبەك ۇجىمدارىمەن كەزدەستى.
سەناتور سارىاعاش, قازىعۇرت, سوزاق, بايدىبەك, ورداباسى, تولە بي, سايرام جانە تۇلكىباس اۋداندارىنىڭ تۇرعىندارىمەن جۇزدەسۋلەردە پارلامەنتتىڭ زاڭ شىعارۋ قىزمەتى, ايماقتاعى الەۋمەتتىك ماسەلەلەردى شەشۋدىڭ كەلەشەگى تۋرالى اڭگىمەلەدى.
كەزدەسۋلەردەگى اڭگىمەنىڭ باستى تاقىرىبى ەلباسى ن.نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنداعى 10 نەگىزگى مىندەت تۋرالى بولدى. ءا.بەكتاەۆ اتاپ وتكەندەي, مەملەكەت باسشىسىنىڭ باستامالارى ەلىمىزدىڭ تەحنولوگيالىق جانە ينفراقۇرىلىمدىق دامۋىنىڭ جاڭا نەگىزگى ساتىسى بولۋعا ءتيىس.
باقتيار تايجان,
«ەگەمەن قازاقستان»
وڭتۇستىك قازاقستان وبلىسى
***
پارلامەنت سەناتىنىڭ دەپۋتاتتارى سەرىك بەكتۇرعانوۆ پەن جەڭىس نۇرعاليەۆ قوستاناي وبلىسىنا جۇمىس ساپارلارى بارىسىندا ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ پروفەسسورلىق-وقىتۋشىلار قۇرامىمەن كەزدەستى.
كەزدەسۋدە مەملەكەت باسشىسىنىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىنىڭ نەگىزگى ەرەجەلەرى تالقىلاندى. سەنات دەپۋتاتتارى يندۋستريالاندىرۋعا, اگروونەركاسىپ كەشەنىن دامىتۋعا, كولىك-لوگيستيكا ينفراقۇرىلىمىنا, قۇرىلىس جانە كوممۋنالدىق سالاعا قازىرگى زامانعى تەحنولوگيالاردى ەنگىزۋگە قاتىستى ساۋالدارعا جاۋاپ بەردى.
سونداي-اق جولداۋداعى «ادامي كاپيتال – جاڭعىرۋ نەگىزى» تۋرالى مىندەت, اتاپ ايتقاندا, ءبىلىم بەرۋدىڭ جاڭا ساپاسى, دەنساۋلىق ساقتاۋ, جۇمىسقا تارتۋدىڭ ەرەكشەلىكتەرى جانە الەۋمەتتىك قامتاماسىز ەتۋدىڭ ادىلەتتى جۇيەسى ماسەلەلەرى ەگجەي-تەگجەيلى تالقىلاندى.
ءنازيرا جارىمبەت,
«ەگەمەن قازاقستان»
قوستاناي
***
اتىراۋ وبلىسىنىڭ ماحامبەت اۋدانىندا ءماجىلىس دەپۋتاتتارى باقىتگۇل حامەنوۆا, يرينا ۋنجاكوۆا, باقىتجان ەرتاەۆ «اتىراۋ ورمان جانە جانۋارلار دۇنيەسىن قورعاۋ جونىندەگى» مەملەكەتتىك مەكەمەسىنىڭ ەڭبەك ۇجىمىمەن كەزدەستى.
كەزدەسۋ بارىسىندا دەپۋتاتتار مەملەكەت باسشىسىنىڭ بيىلعى جولداۋى بويىنشا تۇسىندىرمە جۇمىستارىن جۇرگىزىپ, ەڭبەك ۇجىمى مۇشەلەرىنىڭ وزەكتى سۇراقتارىنا جاۋاپ بەردى.
سونىمەن قاتار ءماجىلىس دەپۋتاتتارى ساپار بارىسىندا ماحامبەت اۋدانى ماحامبەت اۋىلىنان جايىق وزەنى ارقىلى وتەتىن كوپىردىڭ قۇرىلىسىمەن تانىستى. وتكەل رەسپۋبليكالىق ماڭىزى بار «اتىراۋ – ورال» تاس جولى مەن وبلىستىق ماڭىزداعى «اتىراۋ – يندەر» جولدارىن جالعايدى.
باقتىگۇل باباش,
«ەگەمەن قازاقستان»
اتىراۋ وبلىسى
***
سەنات دەپۋتاتتارى ەربولات مۇقاەۆ پەن ناريمان تورەعاليەۆ باتىس قازاقستان وبلىسىنا جۇمىس ساپارلارى اياسىندا اقجايىق اۋدانىنىڭ تۇرعىندارىمەن كەزدەستى.
چاپاەۆ اۋىلىنداعى اۋداندىق اۋرۋحانا قىزمەتكەرلەرىمەن, مۇعالىمدەرمەن جانە جاستارمەن اڭگىمەنىڭ باستى تاقىرىبى پرەزيدەنت ن.نازارباەۆتىڭ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» حالىققا جولداۋى بولدى.
سەناتورلار اۋىل تۇرعىندارىنا جولداۋدىڭ مازمۇنىن ءتۇسىندىردى جانە قويىلعان سا ۋالدارعا جاۋاپ بەردى. حالىق قالاۋلىلارى ەلىمىزدىڭ تاۋەلسىزدىك جىلدارىندا قول جەتكەن تابىستارى مەن الەمدەگى ەڭ دامىعان 30 ەلدىڭ قاتارىنا كىرۋ جونىندەگى اتقارىلعان جۇمىستارعا, يندۋستريالاندىرۋ جانە اگروونەركاسىپ كەشەنىن دامىتۋ ماسەلەلەرىنە توقتالدى.
قازبەك قۇتتىمۇرات ۇلى,
«ەگەمەن قازاقستان»
باتىس قازاقستان وبلىسى
***
ءماجىلىس دەپۋتاتتارى – «نۇر وتان» پارتياسى فراكتسياسىنىڭ مۇشەلەرى سولتۇستىك قازاقستان وبلىسىنا جۇمىس ساپارى اياسىندا پەتروپاۆل نان-توقاش كومبيناتىنىڭ جۇمىسشى-قىزمەتكەرلەرىمەن كەزدەستى.
ماجىلىسمەندەر سەرگەي زۆولسكي, پاۆەل كازانتسەۆ, سەرگەي سيمونوۆ, مۇرات تەمىرجانوۆ جانە پەتر شاراپاەۆ كاسىپورىننىڭ جۇمىسىمەن تانىسىپ, ۇجىممەن ەل پرەزيدەنتى ن.نازارباەۆتىڭ جولداۋىن تالقىلادى.
كاسىپورىن باسشىسى ەرلان قايشىبەكوۆ مەملەكەت باسشىسىنىڭ جىل سايىنعى جولداۋىندا قويىلعان مىندەتتەر جۇمىس بارىسىندا باسشىلىققا الىناتىنىن ايتتى ءارى «قازاقستاندا جاسالعان» برەندىن قولداۋ مەن وندىرىستە جاڭا تەحنولوگيالاردى قولدانۋدىڭ ماڭىزدىلىعىن اتاپ ءوتتى.
ءوز كەزەگىندە ءماجىلىس دەپۋتاتتارى مەملەكەت باسشىسى جولداۋىندا, ءبىرىنشى كەزەكتە, يندۋستريانى دامىتۋ, رەسۋرستىق الەۋەتتى ۇلعايتۋ, الەمدىك نارىقتا وتاندىق ءونىمدى تانىتۋ ماسەلەلەرىنە ەرەكشە نازار اۋدارعانىن جەتكىزدى.
ءومىر ەسقالي,
«ەگەمەن قازاقستان»
پەتروپاۆل
