قالالىق دەنەشىنىقتىرۋ جانە سپورت ءبولىمىنىڭ مالىمەتىنشە, ترياتلون ءبولىمى اشىلا سالىسىمەن-اق 152 بالا جاتتىعۋعا ىقىلاس ءبىلدىرىپتى. جاتتىقتىرۋشىلارى دا بار. ءبولىمدى ترياتلون جابدىقتارىمەن جابدىقتاۋ ءۇشىن ۆەلوسيپەد, سپورتتىق كيىم, جاتتىعۋ جاساۋ قۇرىلعىلارىن الۋعا وبلىستىق بيۋدجەتتەن 27 ميلليون تەڭگە ءبولىنىپتى. ءجۇز ۆەلوسيپەد ساتىپ الىنعان. ترياتلون سپورتىمەن اينالىساتىن سپورت مەكتەبىنىڭ وقۋشىلارى كوكتەمنىڭ جىلى كۇندەرىن اسىعا كۇتۋدە.
سپورت مەكتەبى بويىنشا جاس سپورتشىلاردى 34 جاتتىقتىرۋشى دايارلايدى. تۇلەكتەرى وليمپيا ويىندارىنىڭ قاتىسۋشىلارى, ۆەلوسپورتشىلار يۋري يۋدا, اندرەي زەيتس, الەكساندر دىموۆسكيح, ەۆگەني ياكوۆلەۆ جانە باسقا سپورتشىلارىن ماقتان ەتەدى. جىل سايىن مەكتەپتىڭ ورەندەرى سپورت تۇرلەرى بويىنشا ەلىمىزدىڭ قۇراما كومانداسى ساپىندا جارىستارعا قاتىسادى.
فاريدا بىقاي,
«ەگەمەن قازاقستان»
پاۆلودار
