قوس كىتاپتىڭ تۇساۋى كەسىلدى

تاۋەلسىزدىكتىڭ جيىرما جىلدىعى قارساڭىندا جازۋشىلار وداعىندا دا كوپتەگەن يگىلىكتى ءىس-شارالار اتقارىلۋدا. سونىڭ ءبىرى «تاۋەلسىزدىك ساباقتارى» اتتى تاقىرىپ اياسىندا مەملەكەت جانە قوعام قايراتكەرى, جازۋشى-جۋرناليست بالعابەك قىدىر­بەك­ ۇلىنىڭ «الاتاۋ» رومانى مەن حالىقارالىق «الاش» سى­ي­لى­عىنىڭ يەگەرى, بەلگىلى اقىن نەسىپبەك ايتوۆتىڭ «شا­پى­راشتى ناۋرىزباي» داستانىنىڭ تانىستىرىلىمى ءوتتى. – ەلدىڭ, ۇلتتىڭ ومىرىندەگى ەلەۋلى كەزەڭدەرىندە, – دەدى جي­ىندى اشقان جازۋشىلار وداعى­نىڭ توراعاسى, اقىن نۇرلان ورا­­­زالين, – ءسوزدىڭ تاريحى مەن ءسوزدىڭ تاعدىرى قالاي بايلاندى دەيتىن بۇگىنگى اڭگىمەمىزگە ارقاۋ بولىپ وتىرعان دۇنيە – قازاق­تىڭ كورنەكتى قالامگەرى بالعا­بەك اعامىزدىڭ كەشەگى كەڭەس ودا­عى تۇسىندا «الاتاۋ» روما­نى «قايشىعا» ءتۇسىپ, تولىق جا­ريالانباعان ەدى. بۇگىن سول ۇلكەن ەڭبەكتىڭ تولىق نۇسقاسى قولى­مىزعا ءتيىپ وتىر. ەكىنشى كىتاپ قازاقتىڭ باھا­دۇر باتىرلارىنىڭ بىرەگەيى شا­پىراشتى ناۋرىزباي جونىندەگى پوەما. حالىقارالىق «الاش» سىي­لىعىنىڭ لاۋرەاتى, ارقالى اقىن نەسىپبەك ايتوۆتىڭ بۇل پوەماسىنىڭ تولىق نۇسقاسى كەزىندە «ەگەمەن قازاقستاندا» جا­ريالانعان-دى. اۆتور عاسىرلار قويناۋىنا كەتەتىن تاريحى­مىز­دى ولەڭنىڭ ورنەگىمەن, ولەڭنىڭ تىلىمەن جىرلاپ, سوڭعى كەزدەرى ۇمىتىلىپ بارا جاتقان داستان, پوەما جانرىنا قايتا قانات ءبىتىرىپ وتىر دەي كەلىپ, دەمەۋشىلىك جاساعان, ونەردىڭ, ادەبيەتتىڭ جا­ناشىرى سەرىكباي نۇر­عي­سا­ەۆ­قا ول جۇرتشىلىق اتىنان ريزا­شىلىق ءبىلدىردى. العاش ءسوز كەزەگىن العان بەلگىلى سىنشى, ادەبيەتتانۋشى, في­لولوگيا عىلىمدارىنىڭ دوك­تورى, پروفەسسور تۇرسىنبەك كا­كىشەۆ ب.قىدىربەك ۇلىنىڭ شى­عار­ماشىلىعى, روماننىڭ قازاق ادەبيەتىندەگى ورنى تۋرالى ءسوز ەتسە, الماتى وبلىسى ءماسلي­حا­تىنىڭ حاتشىسى ارداق سادىقوۆ ب.قىدىربەك ۇلىنىڭ بۇل تۋىن­دىسى حح عاسىردىڭ باسىنان ەلۋىنشى جىلعا دەيىنگى ەلىمىزدە بولعان ساياسي-الەۋمەتتىك احۋال­دى جان-جاقتى باياندايتىن ەن­تسيكلو­پەديالىق ەڭبەك ەكەنىن اتاپ ءوتتى. سونداي-اق اقىن-جازۋشىلار ساكەن يماناسوۆ, سماعۇل ەلۋباي, قۋانىشباي قۇر­مانعاليەۆ, نۇرداۋلەت اقى­شەۆ, جۇماباي شاشتاي ۇلى, كوم­­پوزيتور بالنۇر قىدىربەك جانە ت.ب. قوس ەڭبەك تۋ­رالى ءوز ويلا­رىن ورتاعا سالدى. گۇلزەينەپ سادىرقىزى. –––––––––––––––– سۋرەتتەردى تۇسىرگەن  بەرسىنبەك سارسەنوۆ.