اتالعان باعىتتاعى جۇرگىزىلىپ جاتقان جۇمىس تۋرالى اقپارات جانە كوممۋنيكاتسيالار ءمينيسترى داۋرەن اباەۆ باياندادى. اقپارات جانە كوممۋنيكاتسيالار مينيسترلىگى «Paper Free» فورماتى بويىنشا ءوزارا ءىس-قيمىل مۇمكىندىگىن — قاعاز تۇرىندەگى قۇجات اينالىمىن جويۋ, ء«بىر ءوتىنىم» قاعيداسىنا كوشۋدى قاراستىرادى.
باستاپقى ەسەپتەۋلەر بويىنشا, اتالعان شارالاردى ىسكە اسىرۋ تاياۋ ۋاقىتتا 20 ملن استام انىقتامانى تولىعىمەن جويۋعا مۇمكىندىك بەرەدى.
«قازىرگى ۋاقىتتا 746 مەملەكەتتىك قىزمەت كورسەتۋدىڭ «ازاماتتارعا ارنالعان ۇكىمەتكە» 621 قىزمەت كورسەتۋ بەرىلدى, بۇل 83% استامىن قۇرايدى. اتالعان قىزمەتتەردى 349 فرونت-وفيستەر كورسەتەدى, وندا جىل سايىن شامامەن 37 ملن قىزمەتتى ۇسىنا وتىرىپ, 20 مىڭنان استام قىزمەتكەر جۇمىس جاسايدى», — دەدى اقپارات جانە كوممۋنيكاتسيالار ءمينيسترى.
بۇدان وزگە, «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ سەنىمدى باسقارۋىنا كەيبىر اقپاراتتىق جۇيەلەردى بەرۋ ماسەلەسى پىسىقتالۋدا, ولاردىڭ ىشىندە eGov ەلەكتروندى ۇكىمەتى پورتالى, mGov ءموبيلدى قوسىمشاسى, حقكو ىاج, «جىلجىمايتىن م ۇلىك ءتىزىلىمى» ممب جانە «مەملەكەتتىك جەر كاداسترى» ااج بار.
اقپارات جانە كوممۋنيكاتسيالار مينيسترلىگى تاراپىنان حالىققا قىزمەت كورسەتۋ ورتالىقتارىنا ارنالعان ىقپالداستىرىلعان اقپاراتتىق جۇيە — حقكو ىاج سەنىمدى باسقارۋىنا بەرىلدى.
داۋرەن اباەۆ اتالعان جۇمىس ءوز-وزىنە قىزمەت كورسەتۋ مۇمكىندىگىن كەڭەيتۋمەن, تەك ەلەكتروندى فورماتتا جوسپارلاۋدى جانە ودان ءارى مەملەكەتتىك قىزمەت كورسەتۋدى قاراستىراتىن «Digital by default» قاعيداسىن ىسكە اسىرۋدى كوزدەيتىنىن ءتۇسىندىردى.
اتالعان ماسەلە بويىنشا سونداي-اق ۇلتتىق ەكونوميكا ءمينيسترى تيمۋر سۇلەيمەنوۆ باياندادى.
«قازىرگى ۋاقىتتا مەملەكەتتىك قىزمەت كورسەتۋ تىزىلىمىنە ودان ءارى قوسۋ ءۇشىن «جاسىرىن» قىزمەت كورسەتۋلەردى (ەسكەرت. مەملەكەتتىك قىزمەت كورسەتۋ تىزىلىمىنە قوسىلماعان, «مەملەكەتتىك قىزمەت كورسەتۋ» انىقتاماسىنا سايكەس كەلەتىن جەكەلەگەن مەملەكەتتىك ورگانداردىڭ فۋكتسيالارى) انىقتاۋ بويىنشا جۇمىس جۇرگىزىلدى», — دەپ حابارلادى تيمۋر سۇلەيمەنوۆ.
ۇلتتىق ەكونوميكا ءمينيسترى ايتقان مالىمەتتەرگە سايكەس اتالعان جۇمىس اياسىندا تىزىلىمگە 58 جاڭا مەملەكەتتىك قىزمەت كورسەتۋ قوسىلدى. قازىرگى ۋاقىتتا مەملەكەتتىك ورگانداردىڭ تاعى 200 فۋنكتسياسىن تالداۋ اياقتالدى, ونىڭ قورىتىندىسى بويىنشا تىزىلىمگە 50 جاڭا مەملەكەتتىك قىزمەت كورسەتۋ ەنگىزىلەدى.
بۇگىنگى تاڭدا تىزىلىمدەگى مەملەكەتتىك قىزمەتتەردىڭ جالپى سانى 746 مەملەكەتتىك قىزمەت كورسەتۋدى قۇرايدى, ولاردىڭ 452 مەملەكەتتىك قىزمەت كورسەتۋىن ەلەكتروندى فورماتتا الۋعا بولادى, 621 مەملەكەتتىك قىزمەت «ازاماتتارعا ارنالعان ۇكىمەت» مەملەكەتتىك كورپوراتسياسى ارقىلى, جەرگىلىكتى اتقارۋشى ورگاندار ارقىلى — 191 مەملەكەتتىك قىزمەت كورسەتىلەدى. سونداي-اق, رۇقسات بەرۋ جۇيەسىن جەڭىلدەتۋ ماقساتىندا ونلاين رەجيمدە بارلىق رۇقساتتار الۋ مەن حابارلامالاردى جولداۋ تولىق اۆتوماتتاندىرىلعان.
بۇدان وزگە, اتالعان ماسەلە بويىنشا وتىرىس بارىسىندا «ازاماتتارعا ارنالعان ۇكىمەت» مەملەكەتتىك كورپوراتسياسى باسقارما توراعاسى ابىلايحان وسپانوۆ باياندادى.
ماسەلەنى قاراۋدى قورىتىندىلاي كەلە, پرەمەر-مينيستر باقىتجان ساعىنتاەۆ بىرقاتار ناقتى تاپسىرمالار بەردى. اقپارات جانە كوممۋنيكاتسيالار مينيسترلىگىنە, «ازاماتتارعا ارنالعان ۇكىمەت» مەملەكەتتىك كورپوراتسياسىنا جۇمىستىڭ تسيفرلىق فورماتىنا كوشۋ اياسىندا ۇسىنىلاتىن قىزمەتتەردىڭ ساپاسىنا ەرەكشە نازار اۋدارۋ تاپسىرىلدى.
«مەملەكەتتىك قىزمەت كورسەتۋلەردىڭ 85% «ازاماتتارعا ارنالعان ۇكىمەت» مەملەكەتتىك كورپوراتسياسىنا بەرىلدى ء– بىز جوعارى مەجەگە جەتتىك. بىراق, ەگەر مۇقيات قارايتىن بولساق – قىزمەت كورسەتۋلەردىڭ ساپاسى بويىنشا ءبىراز جۇمىس جۇرگىزۋ قاجەت. ماسەلە قانشا قىزمەت كورسەتەتىنىمزدە ەمەس, قالاي كورسەتەتىنىمىزدە. حالىق ساپاسىز قىزمەت العانىن سەزگەن كەزدە ءبارى ءبىر قاعاز تۇرىندەگى انىقتاما الۋعا بارادى. مۇندا مەملەكەتتىك ورگاندار ءوز تاسىلدەرىن وزگەرتۋى ءتيىس», — دەدى باقىتجان ساعىنتاەۆ.
اقپارات جانە كوممۋنيكاتسيالار مينيسترلىگىنە مۇددەلى مەملەكەتتىك ورگاندارمەن بىرگە قوسىمشا مەملەكەتتىك قىزمەت كورسەتۋلەردى بالاماسىز قىزمەت كورسەتۋگە كوشىرۋ بويىنشا جۇمىس جوسپارىن پىسىقتاۋ قاجەت. پرەمەر-مينيستر ازاماتتاردىڭ جەكە مالىمەتتەرىن قورعاۋ ماسەلەسىنە ەرەكشە نازار اۋداردى.
«مەملەكەتتىك كورپوراتسيانىڭ لاۋازىمدى تۇلعالارى مەن قىزمەتكەرلەرىنىڭ جاۋاپكەرشىلىگىن كۇشەيتۋ قاجەت», — دەپ اتاپ ءوتتى باقىتجان ساعىنتاەۆ.
ۇلتتىق ەكونوميكا مينيسترلىگىنە ءبىر ايدىڭ ىشىندە «جاسىرىن» قىزمەت كورسەتۋلەر, جاۋاپتى لاۋازىمدى تۇلعالاردى انىقتاۋ بويىنشا جول كارتاسىن ازىرلەۋ تاپسىرىلدى.
