مەرەيتويعا وراي قالامگەر Əسەت مىرزاقاسىمنىڭ «دالا دانىشپانى – قۇنانباي» اتتى جيناعى قالىڭ وقىرمانعا جول تارتتى. اسەت مىرزاقاسىم اباي اينالاسى تۋرالى كوپ بىلەتىن جاننىڭ ءبىرى. اتاپ ايتقاندا, شاكىر ابەنوۆتىڭ 110 جىلدىعىنا ارنالعان ء«انىم مەن كۇيىم, حالقىما سىيىم», سول سياقتى ايگىلى «قالامقاس» ءانسامبلىنىڭ 40 جىلدىق مەرەكەسىنە وراي «ايتتىم سالەم, قالامقاس» اتتى كىتاپتارىن جازىپ, ابايلىق جاس اقىنداردىڭ «جاستىقتىڭ وتى جالىنداپ» اتتى ۇجىمدىق جىر جيناعىنىڭ باسىلىپ شىعۋىنا ىقپال ەتتى. «دالا دانىشپانى – قۇنانباي» كىتابىن شىعارعانعا دەيىن ابايدىڭ ءىنىسى حاليوللا قۇنانباي ۇلى مەن ءارحام ىسقاقوۆ جايلى دا قۇندى زەرتتەۋلەر جۇرگىزگەن.
– اسەت مەدەۋحان ۇلىنىڭ بۇعان دەيىن « ۇلى اباي ەلىندە» جانە «ابايدىڭ ادەبي حاتشىسى», «اباي اماناتى» اتتى كىتاپتارى جارىققا شىعىپ, وقىرماننىڭ ىستىق ىقىلاسىنا يە بولعان ەدى, – دەدى اۋداندىق مادەنيەت ءبولىمى باستىعىنىڭ ورىنباسارى ەلدار ورازالين. – شىن مانىندەگى ۇلتتىق تۇلعامىز قۇنانباي وسكەنباي ۇلىنىڭ قاجىرلى ەڭبەگى وسى جيناقتا جاقسى بەرىلگەن. وقىرمان ءۇشىن وسىنداي تەرەڭ ءارى سالماقتى ويعا جەتەلەيتىن تاريحىمىزداعى ءىرى تۇلعالاردى باعالايتىن كىتاپتاردىڭ كوبىرەك شىققانى دۇرىس. بۇل – ۇلتتىق تاربيە نەگىزى.
راۋشان نۇعمانبەك
شىعىس قازاقستان وبلىسى
اباي اۋدانى
