- ادەتتەگىدەي, سوڭعى ويىنعا 1 اپتا بۇرىن ەرتە كەلەمىز. قازاقستاندا قازىر كۇن سالقىن, ءارى جولداستىق ويىن وتكىزۋگە مۇمكىندىك جوق. فۋتبولشىلارىمىزدىڭ بارلىعى ءدىن امان. «سلاۆيا» ويىننىڭ ءفاۆوريتى ەكەنى تۇسىنىكتى. دەگەنمەن, بىزگە دە ءۇش ۇپاي كەرەك. جەڭىسكە جەتسەك ناعىز سەنساتسيا بولادى.
- كۇزدە لاسلو كلياينحايسلەر الاڭعا جاقىن ارادا شىعادى دەپ ەدىڭىز. ەرتەڭگى ماتچقا شىعۋى مۇمكىن بە؟
- لاسلو ءالى تولىقتاي دايىن ەمەس. ول نەگىزىنەن كەلەسى جىلعا دايىندالىپ ءجۇر. قالعان فۋتبولشىلارىمىزدىڭ بارلىعى جاراقاتسىز, تولىقتاي جاتتىعۋ وتكىزىپ كەلەدى.
- رەسمي ويىندارىڭىز سوڭعى كەزدە ازايىپ كەتتى. بۇل دۇرىس پا, الدە بۇرىس پا؟
- ەشقانداي جاتتىعۋ, جولداستىق كەزدەسۋ رەسمي ويىندى الماستىرا المايدى. ارينە, رەسمي ويىننىڭ جوقتىعى كەدەرگىسىن تيگىزەدى. دەگەنمەن, جاقسىلاپ دايىندالىپ شىقساق ءبىر ويىندا جەڭىسكە جەتۋگە بولادى. ەگەر جەڭىسكە جەتسەك ەۋروپانى ەلەڭ ەتكىزەر ەدىك.
- قارسىلاس كوماندا ساپىنان كىمنەن قاۋىپ كۇتەسىز؟
- شىنىمدى ايتسام, «سلاۆيا» جاقسى كوماندا ەكەنىن مويىندادىم. ول كوماندادان 2-3 فۋتبولشىنى ەرەكشەلەۋگە بولار ەدى. دەسە دە, ولاردىڭ كوماندالىق قوزعالىسى مىقتى ەكەن. بارلىعى بىركەلكى دەڭگەيدەگى فۋتبولشىلار. مۇنداي كوماندا كانىگى ۇيلەسىمدى ۇجىمعا اينالادى.
- فۋتبولشىلارىڭىزعا سىياقى بەرىلمەي ءجۇر دەپ ەدىڭىز, وسى سۇراق شەشىلدى مە؟ سونىمەن قاتار, ءوزىڭىز «استانامەن» كەلىسىمدى ۇزارتاسىز با؟
- سىياقى جونىندە ايتاتىن بولسام, ەشتەڭە دە شەشىلمەدى. بۇل جايىندا ەشقانداي العاجىلجۋ جوق. ال جەكە وزىمە كەلەتىن بولسام, ءالى باسشىلارمەن سويلەسكەن جوقپىن. وسى ماتچتان كەيىن شەشىلىپ تە قالاتىن شىعار.
ەرمۇحامەد ماۋلەن
