سونداي-اق, مىندەتتى الەۋمەتتىك مەديتسينالىق ساقتاندىرۋ جۇيەسىنە ازاماتتاردىڭ ءوز ەرىكتەرىمەن وبلىس كولەمىندە 1,6 ملرد تەڭگە جارنا تۇسكەن. سالىمشىلاردىڭ باسىم بولىگى مەملەكەتتىك بيۋدجەتتەن قارجىلاندىراتىن مەكەمەلەردەن جانە كاسىپورىنداردان ءتۇسىپ وتىر.
دەپارتامەنت باسشىسىنىڭ ايتۋىنشا, وبلىستا ء«تسيفرلى قازاقستان» مەملەكەتتىك باعدارلاماسى اياسىندا «سالىق جانە كەدەندىك اكىمشىلەندىرۋدى تسيفرلاندىرۋ» پيلوتتىق جوباسى ىسكە اسىرىلۋدا.
«جاڭا جۇيەنىڭ ەنگىزىلۋى - تاپسىراتىن قۇجاتتاردىڭ ازايۋىنا, ۋاقىتتى ۇنەمدەۋگە ۇلكەن مۇمكىندىك بەرەدى. پيلوتتىق جوبانىڭ اياسىندا «استانا-1» اقپاراتتىق جاڭا جۇيەسى قولدانىسقا ەنگىزىلدى. اتالعان جۇيە بارلىق كەدەن بەكەتتەرىنە ورناتىلىپ, بۇگىنگى تاڭدا 6 مىڭعا جۋىق ترانزيتتىك دەكلاراتسيا راسىمدەلگەن», - دەدى التىنسارى دۇيسەنبەك ۇلى.
سونىمەن قاتار, وبلىس ورتالىعى شىمكەنت قالاسىندا وتكەن قازاقستان-وزبەكستان دەلەگاتسياسىنىڭ ەكىجاقتى كەلىسىمىنە سايكەس, «اتامەكەن» كەدەن بەكەتىنىڭ «سىرداريا» جانە «تسەليننىي» وتكىزۋ پۋنكتتەرى اشىلىپ وتىر.
«قازىرگى تاڭدا «قازىعۇرت», «قاپلانبەك» جانە «اتامەكەن» كەدەن بەكەتتەرىن تاۋلىك بويى جۇمىس كەستەسىنە كوشىرىپ, شەكارادان وتەتىن تاۋارلار مەن كولىك قۇرالدارىن رەسىمدەۋدى جىلدامداتۋعا قول جەتكىزىپ وتىرمىز. سونداي-اق, وتكىزۋ پۋنكتتەرى اراسىنداعى جولدار مەن كوپىرلەردى كەڭەيتىپ, جەكە تۇلعالارعا شەكارادان وتۋگە ىڭعايلى جاعداي جاسايتىن بولامىز. ايتا كەتەرلىگى, اعىمداعى جىلدىڭ 9 ايىندا قازاقستان مەن وزبەكستان اراسىنداعى تاۋار اينالىمى 554 ملن. اقش دوللارىن قۇرادى», - دەدى التىنسارى دۇيسەنبەك ۇلى.
بۇگىنگى تاڭدا وبلىستىق مەملەكەتتىك كىرىستەر دەپارتامەنتى سالىق جانە باسقا دا تولەمدەردىڭ تولىق جانە ۋاقىتىلى ءتۇسۋىن قامتاماسىز ەتىپ قانا قويماي, بيزنەس ورتانى تۇبەگەيلى جاقسارتىپ, وعان وڭتايلى جاعداي جاساۋ باعىتىندا بىرقاتار جۇمىستار اتقارىپ كەلەدى.
